Дене шынықтыру және спорт

Аягөз аудандық дене шынықтыру және спорт бөлімі – мемлекеттік мекемесі денсаулық сақтау және спортты дамытудағы аудан әкімінің арнайы бекітілген күнтізбелік жоспары бойынша жұмыс жүргізеді. Аягөз ауданы бойынша спорттық  нысандардың  барлық саны - 128 дана. Осы спорт нысандары халықтың дене шынықтыру және спортпен шұғылдануларына мүмкіншілік береді. 2014 жылы 8 айда ауданда 251 спорттық іс-шаралары өткізіліді. Оның ішінде: Республикалық деңгейде – 3, Облыстық деңгейде – 7, Аудандық деңгейде – 55, Ауылдық округтерде, кәсіпорындарда, білім мекемелерінде – 186 жарыстары  ұйымдастырылды.

Атап айтқанда, «Нұр Отан» партиясының қолдауымен, спорт мектебі, білім бөлімі, ішкі саясат, жастар орталығы, медицина бірлестігі және ішкі істер бөлімімен біріккен  «Денсаулық Фестивалі», «Президенттік миль», «Спорт нашақорлыққа қарсы», «Жастар спортты қолдайды», «Олимпиадалық күн» жеңіл атлетикалық жүгіріс, «Туған жерге тағзым» атты көпшілік акциялары, ҚР мемлекетінің айтулы күндеріне арналған жарыстары аудан әкімінің жүлдесіне арналған Халықтық спорт ойындары, мемлекеттік қызметкерлер спартакиадасы, «Сәулетай» балалар ойындары, «Былғары доп», «Аягөз Барысы» және спорттың 18 түрінен аудан біріншілігі мен Чемпионаттары аудан тұрғындары арасында ұйымдастырылуда.
Республикалық деңгейде Т.Сулейменов атындағы жасөспірімдер арасындағы дәстүрлі бокс жарысы, Қазақстан Республикасына еңбегі сіңген жаттықтырушылар - А.Султанов, М.Абдуллин атындағы Республикалық грек-рим күресінен жасөспірімдер арасындағы дәстүрлі жарыстарына жыл сайын 1000 астам оқушылар қатысуда және футбол, қазақ күресі, бокс, грек рим күресі, тоғызқұмалақ, қол күресі спорт түрлері бойынша Шығыс Қазақстан облысының Біріншіліктері мен Чемпионаттары өткізіледі.

Жыл сайын аудан құрама командасы облыс әкімінің жүлдесі үшін өтетін халықтық спорт ойындары және мемлекеттік қызметкерлер арасындағы спартакиадасы, «Сәулетай» балалар ойындары  және  футбол, шағын футбол, жағажай футболы, волейбол, жағажай волейболы, тоғызқұмалақ, шахмат, дойбы, грек рим, бокс, қол күресі, қазақ күресі, каратэ, үстел теннисінен Республикалық, Облыс Чемпионаты мен Біріншілігіне қатысып өз дәрежелеріп көтеріп, жүлдемен оралуда. Мүмкіндігі шектеулі адамдар арасындағы тоғызқұмалақ, шахматтан және дойбыдан ШҚО Чемпионаттары мен Біріншіліктеріне  қатысып отырады. 

2014 жылы  ШҚО Чемпионатында Бұқтарма кентінде өткен команда арасындағы финалдық ойындарын ұтып облыс Чемпионатында  ІІІ орынды иеленді.  
Жағажай футболынан Қазақстан Республикасының Чемпионатына қатысып 14 спортшы «спорт шеберіне үміткер» атағы берілді.
2011-2015 жылдарға арналған өңірлік даму бағдарламасы бойынша 2014 жылы облыстық бюджеттен Мамырсу ауылында орналасқан спортзалдың күрделі құрылыс жұмыстарына және 2015 жылға Аягөз қаласындағы спорттық модульға қаражат қарастырылды.

 

 

Бет өзгертілді: 26-12-2016