Дене шынықтыру және спорт

Аудандық Дене шынықтыру және спорт, тілдерді дамыту, денешынықтыру және спорт бөлімінің жылдық жоспарына сәйкес, 2017 жылы 251 спорттық іс – шара өткізілді

• Ауданымыздың спорт саласындағы жаңалығы, 2017 жылдан бастап ауданымызда мектеп оқушылары арасында ҚЫЗДАР ФУТБОЛЫ мен бұрын соңды болмаған РЕГБИ спортын дамыту қолға алынды.
Аталған спортшыларымыз алғашқы облыстық жарыстарға шығып, қыздарымыз жүлделі орынмен қайтса, жас регбишілеріміз Республикалық жарысқа жолдама алды.
• «Жібек жолы-2017» халықаралық автораллиінің 6 кезеңі аяқталды.
«Жібек жолы – 2017» додасында бақ сынап жүрген спортшылар кеше 6 кезеңді аяқтады.
• Орталық стадионда "Экспо 2017" мамандандырылған көрмесіне арналған "Трек - қимыл аппараты зақымданған және көру қабілеті төмен мүмкіндігі шектеулі жандар арасында аудандық I -ші Спартакиада болып өтті.
• Ауданымыздың ат спортын дамыту мақсатында тек Аягөз ауданының атбегілері арасында «Аудан әкімінің жүлдесіне ат жарысын» ұйымдастырды.
• Қазақстан Республикасының Н.Ә Назарбаевтың жүлдесі үшін қазақ күресінен «Қазақстан Барысы Республикалық турниріне аудандық іріктеу жарысы өтті. «Аягөз барысы» турниріне ауданымыздың барлық елді мекендерінен 20-дан астам палуан өз бақтарын сынады.
• 2017 жылдың 4-5 ақпан күндері Шығыс Қазақстан облысы, Аягөз ауданында ересектер арасында саятшылықтан ҚР - ның XI чемпионаты өтті.
• Жылдағы аудан әкімінің халық алдындағы есеп беру кезідесуінде Мыңбұлақ ауылынан тұрғындары ауыл жастарының белсенді түрде спортпен шұғылдануына себебін тигізетін күрес кілемін алуға қаражат бөлдіру туралы сұрақ көтерген еді. Жыл басында аудан әкімі Б. Байахметов аудандық бюджеттен қаражат бөлдіріп, Мыңбұлақ және Емелтау ауылдарына күрес кілемдерін алдырды.
Шілде айында Мыңбұлақ ауылына жұмыс сапарымен барған аудан әкімі аталған кілемді ауыл жастарына салтанатты түрде табыстады. Жастар өз тараптарынан рахметтерін айтып, спорттың биік шыңдарын бағындыруға барлық күш- жігерлерін салатындарын айтты.
• 22.08.2017 жылы ауданда «Спорт күні» салтанатты түрде аталып өтті. Жас спортшылар, жаттықтырушылар мен ардагер спортшылар республикалық, облыстық, аудандық марапаттармен марапатталды.
• Қазақстан Республикасының Бірінші Сыртқы Істер Министрі, Шығыс Қазақстан облысы және Аягөз ауданының «Құрметті азаматы» Сүлейменов Төлеутай Сқақұлының жүлдесіне арналған 2002-2003 жылдары туылған жасөспірімдер арасындағы бокстан Республикалық турнир өтті.
• Елбасының «Болашаққа бағдар:Рухани жаңғыру» атты мақаласындағы «Туған жер» бағдарламасы аясында, Қазақстанның Тұңғыш Сыртқы Істер Министрі, мемлекет қайраткері, Шығыс Қазақстан облысы және Аягөз ауданының «Құрметті азаматы» Сүлейменов Төлеутай Сқақұлының демеушілігімен, «Қозы Көрпеш Баян сұлу» саябағында «Street workout» спорттық алаңы ашылды.
• Облыс әкімі Д.К. Ахметов Аягөз қаласының орталық стадионының жөндеу жұмыстарымен танысып, спорт мектебінің үздік оқушыларымен кездесіп оларға сәттілік тіледі.
• Аягөз ауданында бұқаралық спортты, оның ішінде қысқы спортты дамытуда бірқатар жұмыстар атқарылуда. Аудан әкімі Б. Байахметовтың ауданның 9 мектебіне 54 хоккей формалары мен 11 мектебі 99 жұп шаңғы табыстауы осыған дәлел болғандай.

  • Дене шынықтыру және спорт
  • Дене шынықтыру және спорт
  • Дене шынықтыру және спорт
  • Дене шынықтыру және спорт
  • Дене шынықтыру және спорт
  • Дене шынықтыру және спорт
  • Дене шынықтыру және спорт
  • Дене шынықтыру және спорт
Бет өзгертілді: 20-02-2018