Әлеуметтік қорғау органдарының қызметі

Әлеуметтік қорғау органдарының іс-әрекеті

2018 жылдың 1 қаңтарға Аягөз ауданында кедейлік шегінен төмен тұратын аз қамтылған азаматтардың саны – 378 адамды құрайды.

Әлеуметтік бағдарламалар бойынша:
«Мемлекеттік атаулы әлеуметтік көмек» –378 адамға 25 млн. 505 мың теңге, «Тұрғын үй көмегі»– 288 отбасына 4290,8млн теңге, «Үйде тәрбиеленіп, оқылатын мүгедек-балаларды материалды қамтамасыз ету» – 91 балаға 2622,0 мың теңге сомасы төленді.

Шығыс Қазақстан облыс әкімінің 2012 жылдың 05 желтоқсандағы №300 «Жетім балалар мен ата-анасынын қамқорлығынсыз қалған балалар санынан жалпы білім беретін мектептердін түлектеріне облыстын жоғарғы оқу орындарындағы оқуын төлеу үшін әлеуметтік көмек туралы» қаулысының орындалысы
Шығыс Қазақстан облысы әкімінің гранты арқылы облыстың жоғарғы оқу орындарына 2011-2017 оқу жылдарында барлығы 78 адам жетім балалар мен ата-анасынын қамқорлығынсыз қалған және жағдайы төмен от басылар санатынан оқуға түсті. 2017 жылдың 20 тамызына 61 бала ЖОО аяқтады, 16 –сы әр түрлі себептермен оқу орындарынан шығып қалды, 1 бала 2017-2018 оқу жылында оқуын жалғастыруда.

Жұмыспен қамтудың белсенді түрлеріне жұмыссыздарды тарту:
2017 жылдың қоғамдық жұмыстарға 550 адамға 38364,0 мың теңге бөлінген, 603 адам жіберіліп,   қаражат 99,9% игерілді.
Жұмыссыздарды кәсіби даярлау және қайта даярлауға 774 адамға 150952,0 мың теңге қаражат бөлініп, жыл бойында 952 адам оқуға жіберіліп, қаражат 100% игерілді.
Жастар іс-тәжірибесіне 35 адамға 10495,0 мың теңге қаражат бөлініп, жыл бойында 45 адам жастар іс-тәжірибесінен өтуге жіберілді, қаражат 99,9% игерілді.
Әлеуметтік жұмыс орнына 17 адамға 4103,0 мың теңге қаражат бөлініп, 6 айда 21 адам жұмысқа жіберіліп, 1162,0 мың теңге қаражат игерілді.
2018 жылға жоспар және 1 тоқсан бойынша орындалысы

Қоғамдық жұмыстарға 550 адамға 41050,0 мың теңге бөлініп,   171 адам жұмыстарға жіберіліп, 11250,0 мың теңге қаражат игерілді. жұмыссыздарды кәсіби даярлау және қайта даярлауға 65 адамға 20464,0 мың теңге қаражат қаралып 28 қатысушы оқуға жіберілді, жастар іс-тәжірибесіне 20 адамға 7215,0 мың теңге қаражат қаралып, жастар іс-тәжірибесіне 12 адам жіберілді, 1142,0 мың теңге қаражат игерілді,әлеуметтік жұмыс орнына 22 адамға 6488,0 мың теңге қаражат бөлінді, әлеуметтік жұмыс орнына 30 адамды жұмысқа жіберіп, 1133,0 мың теңге қаражат игерілді.

«Аягөз аудан әкімдігінің аумақтық әлеуметтік көмек көрсету орталығы» коммуналдық мемлекеттік мекемесі
«Мүмкіндіктері шектеулі балаларды әлеуметтік және медициналық-педагогикалық түзеу арқылы қолдау туралы» Қазақстан Республикасының 2002 жылғы 11 шілдедегі № 343 Заңына сәйкес 2003 жылы мүмкіндіктері шектеулі балаларды күту бойынша әлеуметтік көмек бөлімшесі құрылды. Аягөз аумақтық әлеуметтік көмек көрсету орталығында 2 бөлімше жалғызбасты қарттар мен 1-2 санаттағы мүгедектер, күндізгі бөлім жалғыз басты еңбекке жарамсыз азаматтарға қызмет көрсетеді. Бір бөлімше мүмкіншілігі шектеулі балалармен 18 жастан асқан мүгедектерге, күндізгі бөлім психологиялық ауытқулары бар балаларға араналған. Жергілікті бюджеттен 110120 000 теңге бөлінді. Аумақтық әлеуметтік көмек көрсету орталығы өзінің әрекетін әлеуметтік және медициналық көмекке берілген лицензия бойынша іске асырады. Штат бойынша орталықта 102 штаттық бірлігі бар. Барлық қызмет алушылардың саны 303 адам. Оның ішінде жалғыз басты қарттар және 1-2 топтағы мүгедектер 172 адам, оларға үйден көмек көрсететін бөлімнің 26 әлеуметтік қызметкері көмек көрсетеді. Мүмкіншілігі шектеулі балаларға үйден көмек көрсету бөлімінде 80 бала оларға 20 әлеуметтік қызметкер көмек көрсетеді. Жалғыз басты қарттардың күндізгі бөлімінде 30 адам, күндізгі бөлімде психологиялық ауытқулары бар 21бала келеді.

Әлеуметтік көмек көрсету арнаулы әлеуметтік көмек көрсету стандартына сәйкес құрылады. Көмек көрсету мына қызметтердің түрлері бойынша іске асырылады:
1. Әлеуметтік- тұрмыстық.
2. Әлеуметтік – еңбектік.
3. Әлеуметтік-педогогикалық.
4. Әлеуметтік- психологиялық.
5. Әлеуметтік-медициналық.
6. Әлеуметтік – экономикалық.
7. Әлеуметтік-құқықтық.
8. Әлеуметтік-мәдени кызметтері.
Бет өзгертілді: 06-03-2018

Бет өзгертілді: 23-07-2018