Жобалар

Қаулы жобасы
Аягөз ауданында мектепке дейінгі тәрбие және оқытуға мемлекеттік білім беру тапсырысын, жан басына шаққандағы қаржыландыру мен ата-ананың ақы төлеу мөлшерлерін бекіту туралы 

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 31-бабы 2-тармағына, «Білім туралы» Қазақстан Республикасының  2007 жылғы 27 шілдедегі Заңының 6-бабы 4-тармағының 8-1) тармақшасына, «Құқықтық актілер туралы» Қазақстан Республикасының 2016 жылғы 6 сәуірдегі Заңының 27-бабына сәйкес, Аягөз ауданы әкімдігі ҚАУЛЫ ЕТЕДІ:

1. Осы қаулының қосымшасына сәйкес аудан бойынша мектепке дейінгі тәрбие мен оқытуға мемлекеттік білім беру тапсырысын, жан басына шаққандағы қаржыландыру және ата-ананың ақы төлеу мөлшері бекітілсін.
2. Аягөз ауданы әкімдігінің 2016 жылғы 8 маусымдағы №391 «2016 жылға Аягөз ауданында мектепке дейінгі тәрбие және оқытуға мемлекеттік білім беру тапсырысын, жан басына шаққандағы қаржыландыру мен ата-ананың ақы төлеу мөлшерлерін бекіту туралы» (нормативтік құқықтық актілерді мемлекеттік тіркеу Тізілімінде 2016 жылғы 24 маусымда 4578 нөмірімен тіркелген,  аудандық «Аягөз жаңалықтары» газетінде 2016 жылғы 23 шілдеде 34 (10507)  нөмірімен жарияланған) қаулысының күші жойылды деп танылсын.
3.Осы қаулының орындалуын бақылау аудан әкімінің орынбасары Б.Нукибаевқа жүктелсін.
4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Аудан әкімі Б.Байахметов
19.05.2017

Қосымша *.doc 39 KB

 

Қаулы жобасы
Аягөз ауданындағы шалғайдағы елді мекендерде тұратын балаларды жалпы білім беретін мектептерге тасымалдаудың схемасы мен тәртібін бекіту туралы

Қазақстан Республикасының 2003 жылғы 4 шілдедегі «Автомобиль көлігі туралы»  Заңының 14-бабының 3-тармағының 3-1) тармақшасына, «Автомобиль көлігімен жолаушылар мен багажды тасымалдау қағидаларын бекіту туралы» Қазақстан Республикасы Инвестициялар және даму министрінің міндетін атқарушысының 2015 жылғы 26 наурыздағы № 349 бұйрығымен бекітілген Автомобиль көлігімен жолаушылар мен багажды тасымалдау қағидаларына (нормативтік құқықтық кесімдерді мемлекеттік тіркеу тізілімінде № 11550 болып тіркелген) сәйкес, Аягөз ауданының әкімдігі ҚАУЛЫ ЕТЕДІ:

1. Аягөз  ауданындағы шалғайдағы елді мекендерде тұратын балаларды жалпы білім беретін мектептерге тасымалдаудың схемасы мен тәртібі осы қаулының 1, 2 қосымшаларына сай бекітілсін.
2. Осы қаулының орындалуын бақылау аудан әкімінің орынбасары Б.Нукибаевқа жүктелсін.
3. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Аудан әкімі Б.Байахметов
19.05.2017

Қосымша: Аягөз ауданындағы шалғайдағы елді мекендерде тұратын балаларды жалпы білім беретін мектептерге тасымалдаудың тәртібі *.doc 47 KB
Қосымша: Аягөз ауданындағы шалғайдағы елді мекендерде тұратын балаларды жалпы білім беретін мектептерге тасымалдаудың схемасы *.doc 41 KB

 

ҚАУЛЫ ЖОБАСЫ

Жер салығының базалық
мөлшерлемелерін түзету туралы

Қазақстан Республикасының 2008 жылғы 10 желтоқсандағы «Салық және бюджетке төленетін басқа  да міндетті төлемдер туралы» (Салық кодексі) Кодексінің 387 бабының 1 тармағына, 379, 381, 383 баптарына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабының 1-тармағының 15) тармақшасына сәйкес және Аягөз ауданының және Аягөз қаласының жерлерін аймақтарға бөлу сұлбасының негізінде, Аягөз аудандық мәслихаты ШЕШТІ:

  1. Аягөз ауданы және Аягөз қаласы бойынша Қазақстан Республикасының Салық кодексінің 381 бабымен бекітілген тұрғын үй қоры, оның ішінде оның іргесіндегі құрылыстар мен ғимараттар алып жатқан жерлерді қоспағанда, елді мекендердің жерлеріне салынатын базалық салық мөлшерлемелері 50 %-ға жоғарылатылсын.
  2. Аягөз ауданының ауылдық және кенттік елді мекендер бойынша жер салығының базалық мөлшерлемелерін түзету осы шешімнің 1-қосымшасына сәйкес жүзеге асырылсын.
  3. Аягөз қаласы бойынша тұрғын үй қоры, оның ішінде оның іргесіндегі құрылыстар мен ғимараттар алып жатқан жерлерге салынатын жер салығының базалық мөлшерлемелерін түзету осы шешімнің 2-қосымшасына сәйкес жүзеге асырылсын.
  4. Осы тармақтың екінші және үшінші бөлігінің ережелері «Салық және бюджетке төленетін басқа да міндетті төлемдер туралы» (Салық кодексі) 2008 жылғы 10 желтоқсандағы Қазақстан Республикасы Кодексінің 386-бабында  көрсетілген жер учаскелеріне қолданылмайды.
  5. Осы шешім 2018 жылғы 1 қаңтардан бастап қолданысқа енгізіледі.

Сессия төрағасы
Аягөз аудандық
мәслихатының хатшысы

"Қазақстан Республикасының Қаржы
министрлігі Мемлекеттік кірістер
комитетінің Шығыс  облысы
Мемлекеттік кірістер департаментінің
Аягөз ауданы бойынша
Мемлекеттік кірістер басқармасы"
республикалық мемлекеттік мекемесі
басшысының міндетін атқарушы
А.Жайсанбаев
"Аягөз аудандық жер қатынастары
бөлімі" мемлекеттік мекемесінің басшысы
Н.Молбаева

Қосымша *.doc 47 KB

 

ШЕШІМІНІҢ ЖОБАСЫ

Сот шешімімен коммуналдық
меншікке түскен болып танылған иесіз қалдықтарды
басқару қағидаларын бекіту туралы

Қазақстан Республикасының 2007 жылғы 9 қаңтардағы Экологиялық кодексінің 19-1 бабының 3 тармақшасына және Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңына сәйкес, Аягөз аудандық мәслихаты ШЕШІМ ҚАБЫЛДАДЫ:

1. Қоса беріліп отырған Сот шешімімен коммуналдық меншікке түскен болып танылған иесіз қалдықтарды басқару қағидалары бекітілсін. 
2. Аягөз аудандық мәслихатының аппарат басшысы (А.Тарбаева) Шығыс Қазақстан облысының әділет департаментінде мемлекеттік тіркелгеннен кейін, осы шешімнің "Әділет" ақпараттық - құқықтық жүйесінде және бұқаралық ақпарат құралдарында ресми жариялануын қамтамасыз етсін.
3. Осы шешім Шығыс Қазақстан облысының әділет департаментінде мемлекеттік тіркелген күннен бастап күшіне енеді және ол алғаш ресми жарияланғаннан кейін күнтізбелік он күн өткен соң қолданысқа енгізіледі. 

Сессия төрағасы Аудандық мәслихаттың хатшысы С.Искаков

Аягөз ауданы мәслихатының *doc 68 KB

 

ҚАУЛЫ ЖОБАСЫ

"Б" корпусындағы жергілікті бюджеттен қаржыландырылатын атқарушы органдардың мемлекеттік әкімшілік қызметшілері мен Аягөз ауданы әкімі аппараты мемлекеттік әкімшілік қызметшілерінің қызметін бағалаудың әдістемесін бекіту туралы 

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 31-бабының 2-тармағына, «Қазақстан Республикасының мемлекеттік қызметі туралы» Қазақстан Республикасының 2015 жылғы 23 қарашадағы Заңының 33-бабы 5-тармағына сәйкес және Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Төрағасының 2016 жылғы 29 желтоқсандағы № 110  бұйрығымен бекітілген «Б» корпусы мемлекеттік әкімшілік қызметшілерінің қызметін бағалаудың үлгілік әдістемесінің (Нормативтік құқықтық актілерді мемлекеттік тіркеу тізілімінде тіркелген нөмірі 14637) негізінде Аягөз ауданының әкімдігі ҚАУЛЫ ЕТЕДІ:

1. Қоса берілген "Б" корпусындағы жергілікті бюджеттен қаржыландырылатын атқарушы органдардың мемлекеттік әкімшілік қызметшілері мен Аягөз ауданы әкімі аппараты мемлекеттік әкімшілік қызметшілерінің қызметін бағалаудың әдістемесі бекітілсін.
2. Осы қаулының орындалуын бақылау аудан әкімі аппаратының басшысы Қ.Рғаеваға жүктелсін.
3. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Аудан әкімі Б. Байахметов

Әдістемесі *doc 123 KB


2016 ж.
Мұрағат

Бет өзгертілді: 19-05-2017