Ішкі саясат

 

Аягөз аудандық ішкі саясат бөлімінің 2019 жылы өткізген іс-шаралары туралы Ақпарат

Ауданда қоғамдық-саяси тұрақтылықты сақтау мақсатында Аягөз ауданы әкімі жанындағы діни бірлестіктермен байланыс жөніндегі Кеңес, жастар ісі жөніндегі Кеңес, әйелдер істері және отбасы-демографиялық саясаты жөніндегі кеңес, қоғамдық кеңес, 2 саяси партиялар, 5 үкіметтік емес ұйымдар, 4 кәсіподақтар жұмыс жасайды. 22 ауылдарда 22 ҰОС ардагерлерінің бастауыш ұйымдары, ауыл әкімі жанындағы 22 ақсақалдар, 22 әйелдер, 22 жастар кеңестері, олардың құрамына жиыны 469 адам бар.
Ауданда өткізілетін барлық қоғамдық-саяси, мәдени-көпшілік іс шараларға ардагерлер кеңесінің мүшелері, ақсақалдар алқасы, ҮЕҰ өкілдері, саяси партиялар, БАҚ өкілдері, жастар белсенді түрде қатысады және олардың әлеуеті қоғамдағы саяси тұрақтылықты сақтау үшін кеңінен пайдаланылады.

Мемлекеттік саясатты жүзеге асыру мақсатында әр түрлі бағыттағы ақпараттық түсіндіру топтары құрылған: Мемлекет басшысының «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауын түсіндіру мен насихаттау жөнінен аудандық 4 АТ (құрамында 25 адам), ауылдық округтерде 22 АТ (құрамында 103 адам) құрылды. Ақпарат тобының қатысуымен барлығы 161 кездесу өтіп, 18525 адам камтылды.
Аудандық «Аягөз жаңалықтары», «Мөлдір сана» газетінде 80 мақалалар жарияланды. Аудан бойынша 30 баннер орналастырылған.
Бүгінгі күнге ауданда қоғамдық- саяси, діни ахуал тұрақты, әлеуметтік ушығу ошақтары жоқ. Тұрғындар мемлекеттік саясатты, Елбасының саясатын қолдайды. Халықтың 90 % Елбасының Жолдауымен танысқан.
Жалпы халықтың көңіл-күйі жақсы, ауданда атқарылып жатқан жұмыстарға көпшілік тарапынан оң баға беруде. Наразылық акцияларының болу қауіпі жоқ.
Аягөз ауданының діни ахуалы
Аудандағы қоғамдық - саяси тұрақтылықты сақтау мақсатында Аягөз ауданы әкімі жанындағы діни бірлестіктермен байланыс жөніндегі кеңес, аудандық 23 ақпаратық- түсіндіру тобы (АТТ) құрылған. АТТ құрамында 69 адам бар. Аудандық АТТ құрамына ішкі істер органдарының қызметкерлері, бұқаралық ақпарат құралдарының өкілдері, ауылдық округ имамдары, ҮЕҰ өкілдері, жастар, аудандық мәслихат депутаттары енгізілген (10).
Жалпы діни жағдай: Аягөз ауданы бойынша 24 діни бірлестіктер тіркелген. Оның 23 исламдық және 1 протестанттық ағымдағы «Салем Аягоз» Евангель христиан баптистерінің діни бірлестігі.
Аягөз ауданының көлемінде орталық мешітке қарасты 1 медресе, 23 мешіт бар, басқа ғибадат үйлер жоқ.
Діни ағымдағы басқа қорлар, ҮЕҰ жоқ.
Діни бағыттағы бағдарламалар тарататын БАҚ (телевидение) арқылы жоқ.
2019 жылдың 12 айында АТТ мүшелері барлығы 123 кездесу өткізіп 9 200 адам қамтылды. 9000 дана таратпа материалдар таратылды.
Кент, ауылдық округтерде 54 кездесу өткізіп 5300 тұрғынды қамтыды.
Аягөз ауданы бойынша дін мәселелері, этносаралық келісім, қазақстандық патриотизмді қалыптастыру және дін мәселелері жөніндегі ақпараттық-түсіндіру топтары мүшелерінің атқарған жұмыстары туралы 2019 жылға арналған медиа-жоспар бекітілген.
Медиа-жоспарға сәйкес және жоспардан тыс Қазақстан Республикасының дін саласындағы мемлекет саясатының 2017-2020 жылдарға арналған тұжырымдамасының іске асырылуы туралы облыстық және жергілікті БАҚ-да 25 мақала жарияланды. Аудан бойынша қала, кент, ауылдық округтерде экстремизмге қарсы сипаттағы 23 баннер орналасқан.
Экстремизм және терроризмнің алдын алуға байланысты материалдар аудан әкімінің сайтында және ВКонтакте, Facebook әлеуметтік желілерінде 132 материал, 6 бейнеролик жарияланды.
Аудан әкімі жанындағы мемлекеттік рәміздер жөніндегі комиссия:
Аягөз ауданында Қазақстан Республикасы мемлекеттік рәміздердің заңға сай орналасуы тексеріліп, рәміздердің жәй-күйіне нақтылы мониторинг үнемі жүргізіледі. Қазақстан Республикасы мемлекеттік нышандарын қолдану саласындағы орын алған заң бұзушылық фактілерін жою үшін 2019 жылы атқарылатын іс-шаралар жоспары жасалды, жоспарға сәйкес жұмыстар жүргізіліп, Аягөз қаласының мекеме, кәсіпорындарда, кент, ауылдық округтерде мемлекеттік рәміздердің белгіленген стандарттарға және орналастыру ережелеріне сәйкестігін тексеру бойынша мониторинг жүргізілуде.
Мемлекеттік мекемелер мен ұйымдардағы ескірген мемлекеттік рәміздер уақытылы ауыстырылып отырады. Мемлекет басшысы бейнеленген сыртқы үгіт құралдарының орналастырылуына тұрақты түрде бақылау жүргізілуде.
4 маусым - Қазақстан Республикасының Рәміздер күні. Осы айтулы мерекеге орай, Қазақстан Республикасының Мемлекеттік рәміздеріне деген құрметті қалыптастыру мақсатында Аягөз қаласының орталық стадионында салтанатты жиын өтті. Мерекелік шарада еліміздің Рәміздері ұлықталып, Мемлекеттік Гимн шырқалды. Салтанатты жиын автошерумен жалғасты.
Жастар саясаты                    
Жалпы ауданымызда 74 580 халық болса, оның 15 831-і 14-29 аралығындағы жастар. Осылардың ішінде 7 377 жас қалада тұратын болса, 8 454 жас ауылдық округтерде.
Қалада: студенттер саны – 430, 14-17 жас аралығындағы оқушылар саны - 4527, әртүрлі салада жұмыс істейтін жастар саны 4265 (темір жол, денсаулық, білім мекемелері, телеком, мәдениет, бөлім, мекеме, мемлекеттік қызмет т.б). Аягөз қаласында балалар және жасөспірімдер спорт мектебі жұмыс жасайды. Спорт мектебінде спорттың 5 түрінен (бокс, күрес, қазақ күресі, футбол, волейбол) 5 810 жастар мен жасөспірімдер жаттығу жасайды.
Сонымен қатар, 1 бокс залы, 1 өнер мектебі бар.
Ағымдағы жылдың 12 айында 170 іс-шара ұйымдастырылып, 8500 жас қамтылды, яғни жастардың 51,4 %.
Аягөз ауданы әкімі жанындағы жастар ісі жөніндегі 2 кеңес отырыстары өтті. Кеңес отырысында Жас отбасылардың тұрғын үй проблемаларын шешуге қолдау көрсету бойынша атқарылып жатқан шаралар мен жылдары Аягөз қаласында салынатын үйлер туралы, жұмыссыздық т.б. мәселелер қаралды.
Жастар арасында қылмыстың алдын алу шаралары бойынша құқықтық үгіт насихаттарын іске асыруға және олардың құқықтарын жүзеге асыру мүмкіндіктері жөніндегі ақпарат беру үшін құқық қорғау органдарымен тығыз қарым қатынас орнатылған. Тәртіпсіздік пен құқық бұзушылықтарға қоғамда «Мүлдем төзбеушілік» қағидатын қамтамасыз ету мақсатында арнайы жоспарға сәйкес жұмыстар жүргізілуде. Атап айтқанда жыл басынан бері оқушы жастармен 38- кездесу, көшеде 15- акция ұйымдастырылды.
«Дипломмен ауылға» бағдарламасы бойынша ауылға тартылған жастар саны 2019 жылдың 12 айына 24 адам. Көтерме ақы ретінде 8 маман 22 млн 8 мың, тұрғын үй алу үшін пайызсыз несие арқылы 22 маманға 5 млн. 5 мың теңге көлемінде жергілікті бюджеттен берілді. Дипломмен ауылға бағдарламасын жастар арасында түсіндіру бойынша барлығы 3 семинар –тренинг, 4 кездесу өтті.
Мемлекет басшысының "Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауы, «Болашаққа бағдар: рухани жаңғыру» мақалалық бағдарламасын, сонымен қатар жастар арасында түсіндіру мақсатында кездесулер, пікір алмасулар, дөңгелек үстелдер жалпы саны 30 кездесу өтіп, 1920 жас қамтылды.
Әйелдер істері және отбасы-демографиялық саясаты
Қазақстан Республикасындағы 2030 жылға дейінгі отбасылық және гендерлік саясат тұжырымдамасын іске асыру бойынша іс- шаралар жоспарын (бірінші кезең 2017-2019 жылдар) іске асыру мақсатында Аудан әкімі жанындағы әйелдер істері және отбасы-демографиялық саясаты жөніндегі комиссиясы» жұмыс жүргізуде.
Ауданда әйел және демографиялық саясатты қалыптастыру мақсатында комиссия мүшелеріне міндеттер бекітілген. Комиссия мүшелері аудандық саяси партиялармен, қоғамдық бірлестіктермен байланыста және ауданның әлеуметтік, мәдени өміріне белсене араласады.
Жергілікті атқарушы органдардың тарапынан ҮЕҰ-ға барынша қолдау көрсетіледі.
Аудан өмірінің барлық саласына әйел адамдар өз үлесін қосуда. Әлеуметтік қызмет көрсету мен денсаулық сақтау саласында 76%, білім беру саласында 81,6%, қызмет көрсету салалары бойынша 69%, қаржы саласында 51% әйел адамдар құрайды. 233 мемлекеттік қызметкерлердің 65-і әйел адамдар.
Ел экономикасының өркендеуіне де ауданымыздағы әйел адамдар өз үлестерін қосуда. Әсіресе кейінгі 7-8 жылда ауданымызда шағын және орта кәсіпкерлікпен айналысып жұрген әйел адамдар саны молаюда. Жалпы шағын кәсіпкерлікке 4776 адам жұмылдырылса, оның 52%, яғни 2483 адамды әйел адамдар құрайды.
Сондай-ақ ауданға қарасты 22 ауылдық округтің барлығында ауылдық әйелдер кеңесі құрылған. Бұл кеңестердің жұмыстары аудандық комиссияның бақылауында.
«Туған жер» бағдарламасы
Елбасының «Болашаққа бағдар: Рухани жаңғыру» атты мақаласындағы «Туған жер» бағдарламасын іске асыру мақсатында аудан әкімімен арнайы жоспар бекітіліп, жоспар негізінде 77 млн 796 мың теңгеге 63 жоба іске асты.
Атап айтқанда Малкелді ауылдық округіндегі «Бейбітшілік» стеласы, Мәдениет, Айғыз ауылдық округтеріндегі кіре беріс арка, ауыл мектептерінде музей, спорттық шаралар.
Атқарылған іс-шаралар бойынша БАҚ-та 26 мақала, «Вконтакте», «Фейсбук» әлеуметтік желілерде 33 материал жарық көрді.
Аудан бойынша жыл басынан 227 іс шаралар, оның ішінде 20 акциялар, 12 қабылдаулар, 95 спорттық іс- шаралар, 100 әр түрлі іс- шаралар өткізілді.
Аудандық жастар орталығының ұйымдастыруымен 9 қайырымдылық шара және 20 спорттық, 55 мәдени іс-шаралар өткізілді.

7 қаңтар аудандық әкімшіліктің үлкен залында Рождество мерекесі аталып өтті. Мерекелік шараның мейманы болып келген қонақтарға мәдениет сарайының ұжымы өз өнерлерін көрсетіп, көтеріңкі көңіл күй сыйлады. 7 қаңтар – барша христиандардың Рождество мерекесі. Рождество мерекесiнiң мағынасы – сүйiспеншiлiк, бейбiтшілiк, рақымшылық, барлығына кешірiммен қарап, әркiмге тек жақсылық тiлеу, жалпы, адамзат баласын сүю мен келiсiмде өмiр сүру.
9 қаңтар «Жаңа Жыл» мерекесіне арналған мектеп қызметкерлері
арасындағы волейбол жарысы
16 қаңтар Аягөз аудандық дін мәселелерін зерттеу орталығының мамандары К.Бозтаев атындағы орта мектептің 8, 9, 10 сынып оқушыларымен «Жастар арасында діни экстремизм мен терроризмнің алдын алу» тақырыбында кездесу өткізді.
19 – 20 қаңтар аралығында № 9 бастауыш мектебінде шахматтан оқушылар арасында «Мектеп лигасы» аясындағы аудандық жекелей біріншілік өткізілді..
24 қаңтарда 97616 әскери бөлімінде «Мемлекеттік идеология» тақырыбында біріккен жиналыс өткізілді.
30 қаңтар Аудан әкімі Б. Байахметовтың жыл сайынғы халық алдында есеп беру кездесу басталды. Аталмыш кездесу Баршатас, Байқошқар, Малкелді, Емелтау, Қосағаш, Бидайық, Мәдениет, Өркен, Айғыз, Тарлаулы, Қопа ауылдық округтері мен Ақтоғай кенттік округінде өтті.
9 ақпан Аягөз ауданында Ауған жерінен Кеңес Одағы әскерлерінің шығарылғанына 30 жыл толуына орай, Аягөз қаласының оңтүстүк қалашығының спорт кешенінде шағын футболдан жарыс өткізілуде.
10 ақпан Аягөз жастарының қайрымдылыққа жаны құмар. Бұлай айтуымыздың өзіндік себебі бар. Осындай тектес шаралар жастар ресурстық орталығы алғаш ұйымдастырып отырған жоқ. Бұл жолы көп балалы отбасыларға азық-түлік себеттерін үлестірді. Айта кету керек, шараға демеушілік білдіргендер "Арғын", "Ерсан", "Биғасыл", "Али" дүкендерінің иелері.
11 – 14 ақпан аралығында Өскемен қаласындағы «Алтай» спорт кешенінде ІХ облыстық Спартакиада аясында шағын футболдан жарыс 2001 -2002 ж.т ұлдар және қыздар арасында өткізілді.
15 ақпан 2019- жылдың 13-ақпан күні аудандық «Қозы Көрпеш –Баян сұлу» мәдениет үйінде аудандық мәдениет, тілдерді дамыту, денешынықтыру және спорт бөлімі және мәдениет мекемелері қызметкерлерімен ҚР Президенті Н.Назарбаевтың «Ұлы даланың жеті қыры» мақаласын талқылау мақсатында дөңгелек үстел өтті. Іс шараның бағдарламасында аудандық мәдениет бөлімінің бас маманының,тілдерді дамыту бөлімі маманының баяндамалары, денешынықтыру және спорт бөлімінің маманы А. Байжұманованың латын тіліне көшу туралы, аудандыққ кітапхананың кітапханашысы А.Мырзабаева «Ұлы даланың есімдері» бөлімінен біздің ауданымыздың ұлы ақындарының, ойшылдарының және батырларының тарихы туралы айтты. Келесі баяндамашы аудандық мәдениет үйінің режиссеры А.Ахтемиров «Дала фольклоры мен музыкасына мың жыл» тарауынан қазақ ұлт аспаптарының қазақ халқының тарихындағы мағынасы туралы сөз қозғады. Іс шараның соңында аудандық мәдениет үйінің «Аягөз» фольклорлық ансамблінің музыканттары көне ұлт аспаптарында ойнап, таныстырды.
15 ақпан Аягөз ауданында Кеңес әскерінің Ауған жерінен шығарылғанына 30 жыл толуына орай, мерекелік шара өтті.
15 – 18 ақпан аралығында Өскемен қаласында ІХ облыстық Спартакиада аясында шаңғымен спорттық бағдарлау жарысы өткізілді.
15 ақпан күні Майлин ауылдық округінде қолдан құйылған хоккей алаңында шайбалы хоккейден аудандық «Жұлдызша» жарысы өткізілді.
16 ақпан күні спорт мектебінің спорт залында «Рауан» АСАҰ ҚБ, балалар –жасөспірімдер спорт мектебі, білім бөлімдерінің ұйымдастырумен Кеңесәскерлерінің Ауған жерінен шығарылғанының 30 жылдығына арналған ауыл мектептерінің 10 – 11 сынып оқушылары арасында шағын футбол жарысы өткізілді.
18 ақпан Аягөз ауданының білім мекемелерінде Кеңес әскерлерінің Ауған жерінен шығарылғанының30 жылдығына арналған арналған кездесулер, әскери – спорттық сайыстар, көрмелер, ән байқаулары т.б іс – шаралар өткізілді.
18 ақпан Аягөз аудандық орталық ауруханасында «Саламатты ана мен бала» айлық акциясы өтті.
22 ақпан күні аудандық мәдениет, тілдерді дамыту, дене шынықтыру және спорт бөлімі мен білім бөлімдерінің ұйымдастыруымен, аудандық «Нұр Отан» партиясы филиалының қолдауымен оңтүстік қалашықтағы арнайы шаңғы жолдарын салған алаңда аудан тұрғындары және жасөспірімдер арасында шаңғы спортынан жарыс өткізілді.
23 ақпанында аудандық ішкі саясат, аудандық мәдениет, тілдер дамыту, денешынықтыру және спорт бөлімдері, дін мәселелерін зерттеу орталығы және Аягөз қаласының орталық мешітінің ұйымдастыруымен «Қозы Көрпеш –Баян Сұлу» мәдениет сарайында қала тұрғындарына «Шатқал» көркем фильмы көрсетілді.
1 наурыз «Жастар жылына» арналған және «Алғыс айту» күніне орай 5 – 11 класс оқушылар (ұлдар, қыздар) арасында үстел теннисінен жекелей жарысы өтуде.
1 наурыз Алғыс айту күніне орай аудандық "Қозы Көрпеш Баян Сұлу" атындағы мәдениет үйінде мерекелік шара ұйымдастырылды.
1-2 наурыз аралығында аудандық білім бөлімінің , № 6 орта мектебінің әкімшілігінің,«Аудан әкімдігінің жастар ресурстық орталығының» ұйымдастыруымен «Кеңес әскерінің Ауған жерінен шығарылуының 30 жылдығына» және «Жастар жылына» арналған шағын футболдан ұстаздар арасында аудандық жарыс өткізілді.
2 наурыз күні Аягөз гарнизонының 10810 әскери бөлімінде әскери қызметшілердің отбасы мүшелерімен жұмысты ұйымдастыру қызметінің ұйымдастыруымен, әскери қызметшілердің арасында "Рухани жаңғыру" бағдарламасы аясында, отбасылық құндылықтарды дәріптеу мақсатында " Ең үлгілі отбасы" атты отбасылық сайыс өтті.
5 наурыз Қозы Көрпеш Баян Сұлу мәдениет үйінде зағип жандар арасында «Көктем аруы 2019» байқауы өтті.
7 наурыз аудандық Қозы Көрпеш Баян Сұлу атындағы мәдениет үйінде 8 наурыз Халықаралық әйелдер күніне орай салтанатты жиын өтті.
7 наурыз Халықаралық әйелдер күніне» арналған дене шынықтыру коллективтері жарысы өтті.
11 наурыз Қарағаш ауылдық клубында аналарға арналған «Сыйынар ем ана деген тәңірге» атты салтанатты жиын өтті.
11 наурыз Қ. Қайсенов кентінде 1998 ж.т және одан төмен жастағы жасөспірімдер арасында қол күресінен ШҚО Чемпионаты өткізілді.
12 наурыз «Аягөз ауданы әкімдігінің аумақтық әлеуметтік көмек көрсету орталығында КММ» 8 наурыз Халықаралық әйелдер күніне орай мерекелік іс-шаралар өтті.Жалғызілікті қарттар мен еңбекке жарамсыз азаматтарға үйде әлеуметтік көмек көрсету бөлімшесінің мерекелік дастарханымен басталған «Рахмет сізге,ана»атты мерекелік концерты мүмкіншілігі шектеулі балаларға үйде әлеуметтік көмек көрсету бөлімшесінің «Гүл көктем»атты мерекелік ертеңгілігімен жалғасын тапты.Мүмкіншілігі шектеулі балалардың күндізгі келу бөлімшесі мен жалғызілікті қарттар мен еңбекке жарамсыз азаматтардың күндізгі келу бөлімшесінде «Ару көктем»атты арулар сайысы өтті.Сайысқа белсене қатысқан аруларымыз әр түрлі номинациялармен марапатталды.
13 наурыз «Оспанқұл Меңаяқұлы атындағы жалпы білім беретін» КММ-де «Жастар жылына» орайлас, Елбасы Н.Ә.Назарбаевтың «Рухани жаңғыру: Болашаққа бағдар» бағдарламасын іске асыру мақсатында «Туған жер – алтын ұяға тағзым» атты жыр мүшәйрасы өтті.
13 наурыз Аягөз қаласында, шағын футболдан 2005-2006 ж.т. жасөспірімдер арасында ШҚО біріншілігі өтті.
14 наурыз «Нұр Отан» партиясының XVIII-съезіндегі Елбасының «Онжылдық перспективалары: ұлттың жаңа игілігі» бағдарламасына орай наурыз айының 12-сі күні аудандық әкімдіктің үлкен мәжіліс залында «Нұр Отан» партиясы аудандық филиалының төрағасы, аудан әкімі Байахметов Бақытжан Кәкенқажыұлының бастамасымен аудандық актив отырысы өтті.
15 наурыз Аягөз қаласында тұңғыш рет «Қайрымдылық дүкені» ашылды. Орталық мешіт пен аудандық ішкі саясат бөлімінің ұйымдастыруымен қолға алынған бастама ел игілігі үшін қызмет етпек. Бұл жерден тұрмыс жағдайы төмен отбасылар тегін киім ала алады.
16 наурыз Әнуарбек Сұлтанұлының жүлдесіне арналған ХІХ ашық республикалық турнир өтті.
18 наурыз № 4 орта мектебінің спорт залында мектеп қызметкерлері арасында «Наурыз» мерекесіне және Халыққа еңбегі сіңген емші, ұстаз Омархан қари Қажыұлы Қазыбай қари жүлдесіне арналған волейболдан жарыс өткізілді.
24-28 наурыз аралығында Тарбағатай ауданы, Ақсуат ауылында, шағын футболдан 2006-2007 ж.т. жасөспірімдер арасында ШҚО Біріншілігі өтті.
27 наурыз Жасөспірімдер спорт мектебінде аудандық білім және ғылым қызметкерлері кәсіподақ комитетінің және спорт мектебінің ұйымдастыруымен қазақ күресінен тұңғыш рет аудандық «Ұстаз барысы» жарысы өткізілді.
27 наурыз Орталық мешітте тоғызқұмалақтан аудан тұрғындары және жасөспірімдер арасындағы жекелей жарыс өткізілді.
27 наурыз Елбасының «Болашаққа бағдар:рухани жаңғыру» атты бағдарламасы аясында Баршатас ауылындағы «Оспанқұл Меңаяқұлы атындағы жалпы білім беретін орта мектепте» Ұлыстың ұлы күніне арналған «Қош келдің, әз Наурыз!» атты мерекелік шара өтті. Мерекенің ашылу салтанаты ақ кимешекті әжелердің шашуымен басталды. Осыдан кейін мектеп ұжымының ұйымшылдығын, ынтымағы мен бірлігін көрсететін, құрамында ұстаздар, оқушылар, жұмысшы-қызметкерлер бар 100 адамнан құралған «Самғау» домбырашылар флешмобының әсем үні халықтың жігерін тасытып, қайратын арттырып, ауыл аспанын мерекелік шуаққа бөледі.
30 наурыз қалалық сенбілік ұйымдастырылды.
30 наурыз "Жастар жылына" орайластырылып ерлер арасында волейболдан Аудан әкімінің Кубогі сарапқа салынды.
1 сәуір «Қозы Көрпеш-Баян сұлу» мәдениет үйінде Елбасы Н.Назарбаевтың «Болашаққа бағдар: рухани жаңғыру» бағдарламасының жалғасы «Ұлы даланың жеті қыры» мақаласының аясында аудандық «Ұлттық салт-дәстүрлерді жаңғырту» атты театрландырылған байқау өтті.
2 сәуір аудандық дін мәселелерін зерттеу орталығының мамандары Аягөз қаласының қорғаныс ісітер жөніндегі біріктірілген бөлімі және Аягөз аудандық қоғамдық денсаулық сақтау басқармасының қызметкерлерімен Қазақстан Республикасының діни экстремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарламасы, «Деструктивті діни ағымдардан сақтану» тақырыптарында кездесу өткізді.
3-4 сәуір аралығында Өскемен қаласында «Үздік дене шынықтыру пәні мұғалімі -2019» облыстық байқауы өтті.
17 сәуір Аягөз қаласындағы қорғаныс істері жөніндегі біріктірілген бөлімінде "2019 жылдың көктемгі мерзімді әскери қызметіне шақыру атты" дөңгелек үстел өтті.
19-22 сәуір күндері аудандық ішкі саясат бөлімі, аудандық дін мәселелерін зерттеу орталығының мамандары Ақтоғай кентінің орта мектебінің 9,10,11 сынып оқушыларымен, Аягөз қаласының К.Бозтаев атындағы орта мектептің 8,9,10 сынып оқушыларымен суицидтің алдын алу тақырыбында жиын өткізді.
22 сәуірі күні Қазақстан Республикасының Тұңғыш Президенті- Елбасы Н.Ә.Назарбаевтың жүлдесі үшін қазақ күресінен «Қазақстан Барысы» Республикалық турниріне аудандық іріктеу жарысының ІІ кезеңі «Аягөз Барысы» аудандық турнирі өтті.
4 мамыр Аягөз ауданы бойынша сайлау штабы құрылды. Штаб құрамында депутаттар, қоғамдық кеңес өкілдері, ақсақалдар алқасының мүшелері бар.
4 мамыр Ұлы Отан соғысының, тыл және еңбек ардагері, үш мәрте «Қызыл жұлдыз» ордені, «Германияны жеңгені үшін» және мерекелік медальдармен марапатталған Әбділқақ Оспанов атындағы үстел теннисінен мектеп қызметкерлері арасында турнир өтті.
1 – 6 мамыр аралығында Щучинск қаласының әсем табиғатының аясында Халықаралық көпкүндік кросс, велосипедпен спорттық бағдарлау жарысы өткізілді.
Осы жолы шырайлы шығысымыздың намысын № 4 орта мектебінің спорт нұсқаушысы М. Ардашев дайындаған № 4 орта мектебінің бес оқушылары қорғап, намысты қолдан бермей, 5 жүлделі орындармен оралды.
6 мамыр «Өнер мектебі» оқушыларының 2018-2019 жылғы есептік академиялық концерті өтті. Кеш барысында түрлі аспапта отандық және шетелдік классик композиторлардың шығармалары орындалып, мың бұралған би, әуелеген ән шырқалды.
7 мамыр - Отан қорғаушылар күніне орай бәйге ұйымдастырылды.
8 мамыр Сарыарқа ауылының мешітінде Рамазан айының құрметіне ауыл имамы Ж.Жұмағазының ұйымдастыруымен «Менің сүйікті мешітім» атты сурет байқауы өтті. Байқауға қатысқан оқушылар өз еліне, туған ауылына деген сүйіспеншіліктерін тамаша туындылары арқылы жеткізді. Байқауда 5 орын тағайындалып, жеңімпаздар мақтау қағазы, сыйлықтармен марапатталды.
8 мамыр Қазақстан Қарулы Күштерінің 27 жылдығы және 9 - мамыр Ұлы Жеңістің 74 жылдығы мерекесіне орай өткізілген «Ешкім де, ешқашан да ұмытылмайды» атты салтанатты жиын мен мерекелік кеш ұйымдастырылды.
9 мамыр жеңістің 74 жылдығына орай мерекелік іс-шара ұйымдастырылды.
9 мамыр Қарағаш ауылдық округінде Ұлы Жеңістің 74 жылыдығына орай «Ерлікке тағзым» атты мерекелік іс шара өтті.
15 мамыр Балалар және жасөспірімдер спорт мектебінің түлектерін шығарып салу жиыны өтті. Айта кету керек 2018-2019 оқу жылында спорт мектебінен 55 тәрбиеленуші түлеп ұшты.
28 мамыр Оқу жылының аяқталуына және 1 маусым балаларды қорғау күніне, сондай-ақ «Жастар жылына» арналған 1 – 5 сынып оқушылары арасында шахмат жарысы аяқталды.
30 мамыр Аягөз аудандық «Қозы Көрпеш Баян сұлу» мәдениет үйінің келісім Александр Пушкиннің туғанына 220 жыл толуына орай 16-25 жас аралығындағы жастар арасында «Пушкин оқулары» аудандық конкурсы өткізілді.
31 мамыр аудан әкімдігінің үлкен мәжіліс залында саяси қуғын-сүргін құрбандарын еске алу күніне арналған жиын өтті. Аталған жиынға Аягөз қаласының ақсақалдар алқасы, қоғамдық кеңес мүшелері, мекеме, кәсіпорын қызметкерлері, БАҚ-өкілдері және саяси қуғын-сүргін құрбандарының ұрпақтары қатысты.
1 маусым Аудан әкімінің тапсырмасымен ауылдық округтерде мемлекеттік бағдарламаларды түсіндіру бойынша жұмыстар атқарылуда. Бұл жолы аудан әкімінің орынбасары Б.Сүлейменов бастаған ақпараттық- түсіндіру тобы Шұбартау өңірінде болды. Ақпараттық топ мүшелері ауыл тұрғындарының көкейінде жүрген сұрақтарға жауап беріп, мемлекеттік бағдарламалардың мүмкіндіктері жөнінде сөз қозғады.
1 маусым орталық алаңда ауыл шаруашылық өнімдерінің жәрменкесі өтті. Он бір ауылдық округтен 2 бас жылқы еті, 5 бас сиыр еті, 17 бас қой еті, 25 келі сары май, 13 литр кілегей, 10 келі сары ірімшік, 25 литр сүт, 250 келі картоп және өзге де тағам түрлері сатылымға қойылды. Жәрмеңкеде орта есеппен жылқы еті 1600 теңге, сиыр еті 1500 теңге, қой еті 1400 теңгеден болды. Айта кету керек мұндай жәрмеңкелер әлі де жалғасын табатын болады.
4 маусым Мемлекеттік рәміздер күні атап өтілді.
9 маусым ел көлемінде «Президент сайлауы» өтуде. Бұл тарихи маңызы бар күннен Аягөз ауданының тұрғындары да шет қалмады. Таңғы сағат 7:00-ден сайлау учаскілерінде өз кандидаттарына дауыс беруде. Айта кету керек, дауыс беру кешкі сағат 20:00-ге дейін жалғасады.
13 маусым «Қозы Көрпеш Баян Сұлу» мәдениет үйінде 2018-2019 жылдың мектеп бітіруші түлектеріне арналған «Болашақ жастардікі» атты кеші өтті. Биылғы жылы аягөз ауданы бойынша 625 түлек бар болса, соның 590-ы ҰБТ-ден өтуге ниетті. Оның ішінде 78 «Алтын белгіге», 55 «Үздік аттестатқа» үміткер.
14 маусым Қарағаш ауылдық округінде 1999 жылы мектеп бітірген түлектер 20 жылдық кездесу кешін жасады. Кеште түлектердін ұйымдастыруымен «Ж. Жабаев атындағы жалпы білім беретін орта мектеп» - КММ- де өлке тану мұражайы ашылды. Алғаш қолдарына қалам ұстатқан алғашқы мұғалімдері Күлкен Махмутқызы мұражайдын тұсауын кесіп, тілегін білдірді. Кеш сонында ауыл тойханасына қатым түсіріліп, спорттық ойындар жалғасын тапты.
15 маусым ауыл шаруашылық жәрмеңкесі ұйымдастырылды.
19 маусым Аягөз қаласының жастары тұңғыш сыртқы істер министрі, мемлекеттік қайраткер, дипломат Төлеутай Ысқақұлы Сүлейменовпен кездесті.
19 маусым Семей аймағы бойынша сыбайлас жемқорлыққа қарсы қызмет ауданаралық басқармасының басшысы Ғалымжан Амантайұлы Қошқарбаев Аягөз ауданының түрлі саладағы қызметкерлерімен кездесу өткізді. Шара барысында Аягөз ауданында анықталған сыбайлас жемқорлық фактілері туралы баян етіліп, пара беру мен пара алудың салдары қандай жағдайға әкеп соқтыратыны жайлы сөз қозғалды.
17 – 22 маусым аралығында «Айбын» республикалық әскери – патриоттық жиыны Қарағанды облысының «Спасск» оқу – жаттығу полигонында өтті. Патриотизм – жан – жақты тәрбие алу,Қазақстан жастарының бойында отаншылдық рухты қалыптастыру, тәрбиелеуге айрықша көңіл бөлу.Оқушыларда өз еліне, өз халқына деген мақтаныш сезімденін ояту, биік межелерді алуға ат салысу. Мемлекет басшысы қатысқан жиынға қатысудың өзі үлкен мәртебе екені айтпаса белгілі.Шығыс Қазақстан облысының құрама командасының сапында Аягөз ауданының 3 оқушысы өнер көрсетті: № 4 орта мектебінің оқушылары Сакенов Бағдаулет, Құрметұлы Ерасыл және № 5 орта мектебінің оқушысы Ахметов Айдос. Шығыс Қазақстан облысының құрама командасы жақсы өнер көрсетіп, жүлделі І орын иеленді. Жастар жылына орай өткізілген сайыста жүлдегерлер қатарынан көріне білген Шығыс Қазақстан облысының командасын жеңістерімен құттықтаймыз!
25 маусым Аягөз ауданының мемлекеттік қызметкерлерімен Шығыс Қазақстан облысы әкімі аппаратының әдеп жөніндегі уәкілі Арыстанбек Ринат Арыстанбекұлымен кездесу өтті. Шара барысында мемлекеттік қызметкерлердің имиджі және әдебі жөнінде сөз қозғалды.
12 шілде Аягөз ауданында «Парыз» қоры арқылы 7 көпбалалы отбасына тұрғын үй кілттері табысталды.
12 шілде  аудан әкімдігінің үлкен мәжіліс залында аудан әкімі Д.Оразбаевтың қабылдауы өтті.
Қабылдауға келген тұрғындардың Аягөз қаласының ауыз су мен баспана мәселесі бойынша сауалдарына аудан әкмі Д.Оразбаев толықтай түсіндіру жұмыстарын жүргізді.
15 шілде Парламент мәжілісінің депутаты Нұртай Салихұлы Сабильянов Аягөз ауданындағы бірқатар ауылдарда жұмыс сапарымен болды. Сондай-ақ Қаражал ауылындағы су құбырларын тарту жұмысымен танысып, аудан активі және теміржолшылармен жеке-жеке кездесу өткізді.
27 шілде Бірге таза Қазақстан акциясы өтті.
2 тамыз Қазақстан Республикасының Ауыл шаруашылық министрлігінің етті мал шаруашылығын дамыту бағдарламасы аясында ауданымызда ұсақ мүйізді мал шаруашылығын дамыту бойынша кездесу өтті.
3 тамыз "Бірге - Таза Қазақстан!" жалпы республикалык акциясы аясында Аягөз өзені бойында сенбілік өтті.
5 тамыз Футболдан денешынықтыру коллективтері арасында футбол ардагері
Тайтулеев Ерболат Ахметжанұлын еске алуға арналған турнир өтті.
9 тамыз аудандық дін мәселесі бойынша ақпараттық түсіндіру тобы "Діни экстремизм мен терроризмнің алдын алу" тақырыбында №10810 әскери бөлімі қызметкерлерімен кездесу өткізді.
22 тамыз Спорт және жастар күніне орай бір қатар ауқымды іс-шаралар өтті. Белсенді жастар шағын футболдан ойын көрсетсе, қыл қалам шеберлері тақырыпқа сай өз туындыларын салды. Сонымен қатар, салауатты өмір салтын ұстанған жастар арасында велошеру өтті. Айтулы күнмен аудан басшысы Ділдәбек Оразбаев құттықтап, спорт саласындағы үздік жаттықтырушыларды марапаттады. Шара соңы мерекелік концерт пен би кешіне ұласты.
23 тамыз «Мектепке жол» акциясы аз қамтылған отбасыларға оқу жылының қарсаңында демеу болуда. Аудан басшысы Ділдәбек Оразбаев та балаларды оқу маусымының қарсаңында қолдауды дұрыс деп танып, бірқатар оқушыны мектепке дайындауға өз үлесін қосты.
28 тамыз аудан әкімдігінің кіші мәжіліс залында аудандық ішкі саясат бөлімі, аудан әкімдігінің жастар ресурстық орталығы және аудандық дін мәселелерін зерттеу орталығының мамандары, Аягөз қаласының орта білім беру мекемелерінің психолог мамандары және Аягөз АПБ Жергілікті полиция қызметі бөлімшесінің кәмелетке толмағандардың істері инспекция қызметкерлерінің қатысуымен оқушы жастар арасындағы суицидтің, діни экстремизм мен терроризмнің алдын алу тақырыбында дөңгелек үстел өтті.
29 тамыз "Мектепке жол" акциясы аясында "Қамқор Локомотив" ЖШС ұжымы жаңа оқу жылы қарсаңында 7 балаға мектепке қажетті оқу жабдықтарын табыстады.
1 қыркүйек Аягөз ауданында білім күні барлық білім мекемелерінде аталып өтті. Сонымен қатар, жаңа оқу маусымы өз жаңалығымен келді. Аудан басшысы Д. Оразбаевтың тапсырмасымен К.Бозтаев атындағы мектеп гимназиясы болып өзгертілді. Жаңа деңгейде оқу жылын қарсы алып отырған мектеп оқушылары мен мұғалімдерін аудан әкімі Ділдәбек Тәжібайұлы құттықтап, табыс тіледі. Өз кезегінде тамырлы тарихы бар мектептің директоры аудан әкіміне "К.Бозтаев атындағы мектептің 80 жылдығына орай" медалін және "Тамыры терең білім ордасы" атты мектеп тарихы туралы кітапты тарту етті.
10 қыркүйек Ел президенті Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты халыққа жолдауын түсіндіру бойынша аудандық актив отырысы өтті.
18 қыркүйек Ақши ауылдық округі бойынша «Денсаулық күні» мерекесіне орай спорттық іс-шара өткізілді.
18 қыркүйек Президент жолдауын түсіндіру бойынша облыстық ақпараттық топ өкілі, "Nur Otan" партиясының ШҚО филиалы төрағасының бірінші орынбасары Мұхтарханов Әнуарбек Мұхтарханұлы келді. Шара барысында қоғам өкілдері, аудан белсенділері және бақ өкілдері мен бөлім басшылары қатысты.
20 қыркүйек Ақтоғай кенттік округінде бірқатар игі шаралар жүзеге асты. «Kaz Minerals Aktogai» ЖШС-нің демеушілігімен Ақтоғай кентінің №8 орта мектебі мен №3 бөбекжай-балабақшасының ауласында балалар ойын алаңдары, Қопа ауылдық округінде хоккей қорабы ашылып, С.Сейфуллин атындағы орта мектеп оқушыларына спорттық құрал-жабдықтар мен киім-кешектер, ауылдық клубқа музыкалық аппаратуралар мен қажетті құрал-жабдықтар табысталды.
20 қыркүйек Аягөз қаласы тұтынушылары үшін жылу энергиясын өндіру, жылу энергиясын беру, бөлу және жабдықтау қызметтеріне, оңайлатылған тәртіппен 2019 жылғы 1 қарашадан күшіне енгізумен, тарифтерді бекіту бойынша жиын өтті.
24 қыркүйек Аягөз ауданындағы оқушылар арасындағы «Алтын күз» атты кросс жарысы өтті.
27 қыркүйек "Сындарлы қоғамдық диалог - Қазақстанның тұрақтылығы мен өркендеуінің негізі" атты Қазақстан халқына жолдауын насихаттау бойынша Байқошқар ауылдық округінде жиын өтті.
27 қыркүйек аудандық «Қозы Көрпеш Баян сұлу» мәдениет үйінде Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасында көрсетілген Қазақстанда тұратын барлық этностардың тілдерін сақтай отырып, ұлт бірлігін нығайтудың аса маңызды факторы ретінде мемлекеттік тілдің кең ауқымды қолданысын қамтамасыз ететін үйлесімді тіл саясатын жүзеге асыру үшін дәстүрлі «Тілдер шеруі» фестивалі жоғары деңгейде өткізілді.
29 қыркүйек – 2 қараша аралығында футболдан (9 х 9) Өскемен қаласындағы «Восток» стадионында «Жастар жылына» арналған 2002 -2004 ж.т қыздар арасында Шығыс Қазақстан облысының біріншілігі өткізілді.Біріншіліктің «Үздік қақпашысы» болып Н. Қайранбекова танылды.
1 қазан аудандық ішкі саясат бөлімінің ұйымдастыруымен Аягөз қалалық политехникалық колледждің студенттерімен «Жат ағымдардан сақтану жолдары» тақырыбында кездесу өтті.
Политехникалық колледждің акт залында өткен кездесуге ҚР ҰҚК ШҚО бойынша департаменті Аягөз аудандық бөлімі қызметкерлері, аудандық ішкі саясат бөлімі, аудан әкімдігінің жастар ресурстық орталығының мамандары және аудандық дін мәселелерін зерттеу орталығының теологы Асқар Бейсембаев қатысып, студенттерге діни экстремизм және терроризмнің алдын алу, деструктивті діни ағымдардан сақтану, дін саласындағы құқық бұзушылық туралы айтып өтті.
3 қазан Аягөз ауданының барлық білім беру мекемелерінде экологиялық тәрбие сағаты және шырша егу акциясы өтті.
4 қазан Аягөз қаласы Отарбекова көшесінің 803 метр жолына орташа жөндеу жұмыстары бастау алды.
7 қазан сайын даланың төсінде сарқытты сөзі қалған, айтулы ісі қалған бабаларымыз жетерлік. Солардың бірі Ер Шектібай би. Қарағаш ауылында Балуан Қажымұхамед Серікмұхамедұлының ұйымдастыруымен Ер шектібай бидің барлық ұрпақтары бабаның басына мазар орнатып, дүбірлі той жасады. Бұл іс кейінгі ұрпаққа үлгі-өнеге, "Рухани жаңғырудың" өзегі.
12-13 қазан аралығында балалар –жасөспірімдер спорт мектебінің,көпсалалы қазақ мектеп – гимназияның,қалалық қазақ мектеп -лицейдің, № 10 гимназияның спорт залдарында «Жастар жылына» арналған конькимен жүгіру спортының ҚР мемлекеттік жаттықтырушы,спорт шебері, ХVІІ- ХVІІІ қысқы олимпиада ойындарының қатысушысы, 5 дүркін ҚР жеңімпазы,жерлесіміз Кенжеш Садыққызы Сарсекенованың жүлдесіне арналған 2004– 2005 ж.т.қыздар арасындағы ІІ дәстүрлі аудандық волейбол жарысы өткізілді.
15 қазан «Шығыс –Адалдық алаңы» жобасы аясында Аягөз қаласының политехникалық колледж студентері мен аудандық ішкі саясат бөлімінің бас маманы Р.Абай, аудан әкімдігінің жастар ресурстық орталығың директоры Е.Сабитов және Аягөз АПБ-нің кәмілеттік жасқа толмағандар жөніндегі инспекторы Б.Салихованың қатысуымен «Адалдық жолынан айнымайық» атты кездесу өтті.

15 қазан күні Баршатас ауылы «Оспанқұл Меңаяқұлы атындағы жалпы білім беретін орта мектеп» КММ-де Елбасының «Болашаққа бағдар: Рухани жаңғыру» атты бағдарламасын жүзеге асыру аясында Әл-Фараби атындағы ҚҰУ –мен біріккен Жеңіс Өмірбекұлы атындағы «Физика, математика патшалығының білгірі» атты 9-10-11-класс оқушылары арасында физика-математика пәндерінен аудандық олимпиада және мектебіміздің тұңғыш «Алтын белгі» иегері, жастар мен студенттердің Москвада өткен VІ дүниежүзілік фестивалінің лауреаты, күйші Тілеміс Қайрат Өмірбекұлы жүлдесіне ұйымдастырылған «Өнер құдыреті-күй» атты аудандық домбырашылар байқауы өтті.
16 қазан «Рухани келісім күні» мерекесіне орай, Аягөз қаласының «Орталық» мешіті жанындағы «Шайхан қари» атындағы діни сауат ашу орталығында «Исламдағы әйел адамның орны» тақырыбында әйел жамағатына арналған семинар ұйымдастырылды.
21 қазаны күні Аягөз ауданының «Қозы Көрпеш – Баян Сұлу» мәдениет сарайының «Келісім орталығында» Қазақстан Мұсылмандар Діни басқармасының ғұламалар кеңесінің мүшесі, «Нұр Мүбарак» ислам университетінің ұстазы, PHD докторы Мұхан Исахановтың қатысуымен ауылдық окруктердегі дін мәселелері бойынша ақпараттық – түсіндіру топ мүшелеріне арналған дөңгелек үстел ұйымдастырылды.
21-27 қазаны аралығында Аягөз ауданы аумағында «Қауіпсіз жол» жедел-профилактикалық іс-шарасы өткізілді.
22 қазан аудан әкімі Д.Оразбаев Аягөз ауданының мешіт имамдарымен кездесу өткізді.
«Рухани келісім күні» мерекесіне орай өткен кездесуде аудан әкімі мешіт имамдарының жұмыстарына байланысты мәселелерді көтеріп, шешілу жолдарын қарастырды.
Сонымен қатар, ұлтаралық, дінаралық келісімге, толеранттылықты нығайтуға қосқан үлестері үшін бірнеше ауылдық округ имамдарына алғыс хаттарын ұсынды.
24 қазан Қажымұқан көшесінен шағын спорт және street workout алаңы ашылды. Бұл тұрғындардың салауатты өмір салтын ұстануға айтарлықтай үлес қосатын нысан болмақ.
25 қазан «Kaz Minirals Aktogay» кең байыту комбинаты Аягөз қалалық политехникалық колледжіне арнайы құралдармен жабдықталған кабинет сыйға тартты. Заманауи құралдармен жабдықталған жаңа кабинет студенттердің өз кәсібін жетік білуге айтарлықтай септігін тигізбек.
25 қазан Аягөзде үйі өртенген көп балалы отбасына баспанаға қаражат табысталды.
30 қазан күні ШҚО, Аягөз ауданы, Аягөз қаласының №5 орта мектебі, "Қозы Көрпеш- Баян Сұлу" мәдениет сарайы аумағында Аягөз аудандық терроризмге қарсы іс- әрекет ету жедел штабының терроризмге қарсы оқу- жаттығу өткізуде.
31 қазан Аягөз қаласының қорғаныс істері жөніндегі біріктірілген бөлімінің 2019 жылғы әскери шақыру жұмыстарының атқарылуы туралы және Аягөз гарнизонының әскери прокуратурасының Аягөз қорғаныс істері жөніндегі біріктірілген бөлімінің әскери міндеттемелері жұмысының атқару жөніндегі заңдылық бойынша сараптамасы тыңдалды.Жиынға Аягөз ауданының әкімі, Аягөз ауданының әскери прокуроры, жергілікті полиция бөлімінің басшысы, кент, ауылдық округ әкімдері, орталық аурухана, БАҚ өкілдері қатысты.
6-9 қараша аралығында «Шығыс - Адалдық алаңы», «Саналы ұрпақ» жобалары аясында аудан мектептерінде «Адалдық сағаты» атты іс-шаралар өткізілді.
7 қараша «Nur Otan» партиясы Аягөз аудандық филиалы және партия филиалы жанындағы «Jas Otan» жастар қанатының қолдауымен "Менің туым - менің Отаным" атты республикалық акция ауданымызда да жалғасын тапты.
9 – 10 қараша аралығында С. Ғаббасов атындағы орта мектебінде және Мамырсу ауылдық округіндегі балалар- жасөспірімдер спорт мектебінің спорт залдарында ұлағатты ұстаз, спорт ардагері Т. Саматовтың жүлдесіне арналған 2003 – 2004 – ж.т қыздар арасындағы аудандық волейбол жарысы өткізілді.
13 қараша «Қозы Көрпеш Баян сұлу» мәдениет сарайында әскер қатарына шақырылғандарды шығарып салуға және «Жас сарбаз» қатарына енушілердің ант қабылдау рәсіміне арналған республикалық «Ел тірегі» әскери-патриоттық акциясы өтті. Шара барысында ҚР Қорғаныс министрлігі бас штабы Тәрбие және идеологиялық жұмыстар департаменті бастығының орынбасары полковник Ермиян Бятов жас өрендерді құттықтап, әскери саладағы үздік қызметкерлерді алғыс хатпен марапаттады. Өз кезегінде аудан әкімінің орынбасары Болат Сүлейменов ұйымдастырушыларға алғысын білдірді.
21 қараша «Халық үніне құлақ асатын мемлекет» тұжырымдамасын ілгерілету бойынша «Азаматтарды қабылдаудың біртұтас күні» жалпы республикалық іс-шарасы аясында Аягөз ауданының әкімі Ділдәбек Оразбаев тұрғындарды жеке мәселелері бойынша қабылдауын бастады.
22 қараша «Қозы Көрпеш Баян сұлу» мәдениет сарайында Мәуліт мерекесі аталып өтті. Кештің арнайы қонағы айтыстың дүлділі Дидар Қамиев пен Нұрмұхамед Байсүгіров болды. Шара барысынды рухани құндылықтарды насихаттайтың әуендер мен мәдениет үйінің қызметкерлерінің қойылымы қойылды.
25 қараша қазақ би өнерінің шоқтығы биік жұлдызы Шара Баймолдақызы Жиенқұловаға арналған ескерткіш тақта ашылды. Аягөз өңірінің тумасы, кәсіби қазақ би өнерін жолға қойған Шара Баймолдақызына арналған ескерткіш тақта "Рухани жаңғырудың" тағы бір көрінісі.
26 қараша Аягөз ауданының жұртшылығы грек-рим күресінен Азия чемпионы Оңдасын Хамитовты күтіп алды. Айта кету керек, Қытайдың Тайпей қаласында өткен байрақты додада қарсыларстарын ойсыратара жеңіп, биік тұғырдан көрінді.

Мұрағат

Аягөз аудандық ішкі саясат бөлімінің 2018 жылы өткізген іс-шаралары туралы ақпарат
Аягөз аудандық ішкі саясат бөлімінің 2017 жылы өткізген іс-шаралары туралы ақпарат
Аягөз аудандық ішкі саясат бөлімінің 2016 жылдың өткізген іс-шаралары туралы ақпарат

Бет өзгертілді: 20-12-2019