«Мектеп лигасының» ІІ аудандық кезеңінің  волейбол жарысы

2019 жылдың  16 – 17 ақпан аралығында 2004 – 2005 ж.т. ұлдар, қыздар  арасында  «Мектеп лигасының ІІ аудандық кезеңінің  волейбол  жарысы балалар – жасөспірімдер спорт  мектебінің және  аудандық білім бөлімінің ұйымдастыруларымен Мамырсудағы спорт  мектебінің және  С.  Ғаббасов  атындағы  орта  мектебінің спорт  залдарында  ұлдар, қыздар көпсалалы  қазақ  мектеп - гимназияның  және № 10 гимназияның  спортзалдарында  өткізілді.           

Ауданымыздың  16 мектебінің  командалары қыздар жарысына,18 команда ұлдар жарысына қатысты. Жиыны 272 оқушы  қатысты.

Ұлдарда  да,  қыздарда  да 4 топқа  бөлінген   командалар  жүлделі  орындарға таласып  бақты.Командалардың  ойын  деңгейі өскені байқалып  тұрды. Ұлдарда  да,  қыздарда да 4 командадан  жартылай ақтық  ойындарға шығып, жүлделі орындарды  сарапқа  салды.Жарыс  болған  соң  мықтылар  ұтатыны  белгілі.

Ұлдар  арасында  І орынды көпсалалы қазақ мектеп гимназия командасы,ІІ  орынды  Айғыз орта  мектебінің  командасы иеленсе,ІІІ орынды Т.  Көбдіков атындағы орта  мектебінің командасы  иеленді.

Қыздар  арасында  І орынды көпсалалы қазақ мектеп гимназия командасы,ІІ  орынды  № 7 орта  мектебінің  командасы иеленсе,ІІІ орынды № 10 гимназия  командасы  иеленді. Жарыстың «Ең үздік  ойыншысы», «Үздік шабуылшы», «Үздік  қорғаушы», «Үздік доп  беруші» номинацияларымен үздік  ойыншылар және жеңімпаздар  мен  жүлдегерлер  балалар – жасөспірімдер  спорт  мектебінің кубоктарымен, мақтау  қағаздарымен  марапатталды.