Мәслихат

	Аягөз аудандық мәслихат хатшысы - Темеков Мұхтар Әбдікәрімұлы  Темеков Мұхтар Әбдікәрімұлы 1952 жылы наурыз айының 15 жұлдызында Семей облысының Аягөз ауданының Знаменка ауылында дүниеге келген. 1968 жылы орта мектепті бітірген соң Алматы қаласындағы Абай атындағы Қазақ мемлекеттік педагогикалық институтының тарих факультетіне түсіп, 1973жылы бітірген. 1973-1974 жылдары Отан алдында әскери борышын өтеген. 1974 жылы қарапайым мұғалім ретінде қызметін Мыңбұлақ орта мектебінде бастаған, 1979-1983 жылдары Ғаббасов орта мектебінінің директоры болып тағайындалды. 1983-1987 жылдары қалалық білім бөлімінің меңгерушісі. 1987 жылы ауыстыру жолымен  СПТУ-12  директор болып тағайындалды. 1989-1994 жылдары аралығында облыстық кеңестің депутаты болып сайланған. 1994 - 1996 жылдары қала әкімінің орынбасары, 1996-1997 жылдары аудан әкімінің орынбасары қызметіне тағайындалды. 1997 жылдан бері бүгінгі күнге дейін үзіліссіз аудандық мәслихат депутаты болып 4 мәрте сайланып  Аягөз ауданының мәслихат хатшысының қызметін атқарып келеді.    Жұмыс тел.: 72237 3-36-41
	Аягөз аудандық мәслихаты аппаратының басшысы - Аманжолов Болат Қошқарбайұлы Аманжолов Б.Қ. 1948 жылдың 15 маусымында  Семей облысы, Аягөз ауданының Нарын ауылында туған. 1971 жылы Өскемен жол-құрылыс институтын «Автомобиль транспорты» мамандығы бойынша бітірген. Еңбек жолын 1971 жылы Аягөз қаласындағы автомобиль мектебінде мұғалімдік қызметтен бастады. 1975 жылдан Аягөз аудандық партия комитетінде нұсқаушы, 1976–1978 жылдарда Аягөз аудандық комсомол комитетінің бірінші хатшысы қызметін атқарды. 1979–1982 жылдары Аягөз автомобиль мектебінде мұғалім, мектеп директорының орынбасары, 1992 – 1995 жылдары Аягөз аудандық әкімшілігінде туризм және спорт, қоғамдық ұйым және саяси партиялармен байланыс комитетінің, өнеркәсіп және транспорт, ұйымдастыру және кадр бөлімдерінің меңгерушісі қызметтерін атқарды. 1995–2002 жылдары Аягөз ауданы әкімі аппаратының басшысы, 2002–2005 жылдары «Отан» республикалық қоғамдық бірлестігінің аудандық кеңесі төрағасының орынбасары, осы бірлестіктің аудандық кәсіптік–техникалық оқу орталығы директорының орынбасары болып істеді. 2006 жылдан Аягөз аудандық мәслихаты аппаратының басшысы. Жанұялы, жұбайы мұғалім, екі баласы бар.   Жұмыс тел.:  8- (722-37) 3-02-98

Аягөз аудандық мәслихатының сипаттамасы

Аягөз аудандық мәслихаты – аудан халқы сайлайтын, халықтың еркін білдіретін және Қазақстан Республикасының заңдарына сәйкес оны іске осыру үшін қажетті шараларды белгілейтін, олардың жүзеге асырылуын бақылайтын сайланбалы орган.
Аягөз аудандық мәслихаты 1995 жылы құрылды және бүгінгі күнге дейін аудандық мәслихаттың төрт шақырылымына сайлау өткізілді. Төртінші шақырылған аудандық мәслихат депутаттарының құрамы, Қазақстан Республикасы Орталық сайлау комиссиясының, облыстық аумақтық сайлау комиссиясының белгілеуі бойынша 15 депутаттан яғни 15 округтан тұрады.  Аудандық мәслихат депутаттарының 14-нің жоғарғы, 1-нің арнайы орта білімі бар, 11 депутат - мекеме және кәсіпорын басшылары, 2 - депутат шаруа қожалығының төрағасы болып істейді.
Барлық депутаттардың ұлты қазақ, 14 депутат «Нұр Отан» ХДП мүшесі.
Аудандық мәслихат пен оның органдарын ұйымдастырушылық, құқықтық, материалдық – техникалық және өзгеде қамтамасыз етуді мәслихат аппараты жүзеге асырады.
«Аягөз аудандық мәслихатының аппараты» мемлекеттік мекемесі туралы Ереже 2001 жылғы 15 қарашадағы № 15-3 шешімімен бекітіліп., Шығыс Қазақстан облысы Әділет Департаментінде 2002 жылы 11 наурызда
№ 13962-1917 ММ болып тіркелді.

Мәслихат хатшысының лауазымдық міндеттері

1. Қазақстан Республикасындағы жергілікті мемлекеттік басқару туралы Қазақстан Республикасының Заңына сәйкес, аудан әкімі және әкімдігімен бірлесе отырып берілген өкілеттік шеңберінде аумақтың дамуының әлеуметтік-экономикалық кешенін, азаматтардың құқығын қорғау, олардың заңды мүдделерін қамтамасыз ету жөніндегі өкілеттіктерді жүзеге асырады.
2. Аудан әкімі және әкімдігімен бірлесе отырып, аумақтың дамуының экономикалық және әлеуметтік бағдарламалары жобаларын, санитарлық және көркейту ережелерін, қаланы басқару кескіні және басқа да мәселелерді әзірлеп сессия қарауына енгізеді. Аудандық мәслихаттың тексеру және тұрақты комиссияларымен бірлесе отырып, жергілікті бюджет туралы шешімнің орындалуын бақылайды.
3. Аудандық мәслихаттың тексеру және тұрақты комиссияларымен бірлесе отырып, мәслихат регламентін әзірлеп, сессияның қарауына енгізіп, бекітілгеннен кейін оның орындалуын қамтамасыз етеді. Аудандық мәслихат аппаратының қызметін ұйымдастырады.
4. Мәслихат сессиясы төрағасының жұмысы үшін ұйымдастыру-техникалық жағдайын құрады. Депутаттарға, аудан әкіміне және тұрғындарға мәслихат сессиясының өтетін уақыты мен мекен-жайын, күн тәртібінің жобасын хабарлайды.
5. Мәслихат сессиясын әзірлеу және мәслихат сессиясы қарауына енгізілетін мәселелер, сессия хаттамасын құруды қамтамасыз етеді, сессия төрағасымен бірге мәслихат шешімдерімен сессия хаттамасына қол қояды. Қазақстан Республикасының заңнама актілеріне сәйкестендіру мақсатында, мәслихат атынан шығатын барлық шешімдер мен қаулыларға қол қояды.
6. Депутаттардың өкілеттігін іске асыруда көмек көрсетіп, оларды қажетті ақпараттармен қамтамасыз етеді, депутаттарды мәслихат, оның органдары және сайлау округтеріндегі жұмысқа қатысуы үшін қызметтік міндеттерін орындаудан босатуға байланысты мәселелерді қарайды. Мәслихаттың тұрақты, тексеру комиссиялары және басқа органдарының, депутаттық топтардың жұмыстарын үйлестіреді.
7. Мәслихат аппаратының құрылымы мен штатын мәслихатқа бекітуге енгізеді, оның қызметіне басшылық жасайды, оның қызметшілерін қызметке тағайындайды және қызметтен босатады. Мәслихат құзыретіне жататын мәселелер бойынша мәслихат сессиясына және комиссия отырыстарына шақырылатын кәсіпорындар мен ұйымдар басшыларының, лауазымды тұлғалар мен мамандардың тізімін анықтайды.
8. Мәслихат атынан тұрғындармен, еңбек ұжымдары, кәсіпорындар, мекемелер және меншік нысандарына қарамастан ұйымдармен байланыста болады. Мәслихатта сайлаушылардан түскен ұсыныстар, тілектер, хаттар туралы жалпы мәліметтер береді.
9. Мәслихат шешімдеріне сәйкес азаматтармен маңызды мәслихат шешімдері жобаларын талқылауды қамтамасыз етеді. Азаматтардың өтініштері, арыз-шағымдарын қарау үшін азаматтарды аппаратта қабылдауды ұйымдастырады. Өз құзыретіндегі мәселелер бойынша өкім шығырады.
10. Аппарат қызметшілерінің қызметін үйлестіреді, олардың лауазымдық нұсқауларын орындауларын бақылайды.
11. Қазақстан Республикасы заңнамаларына сәйкес сайлауды ұйымдастыру және депутаттар өкілеттігін мерзімінен бұрын тоқтату мәселелерін, сондай-ақ Қазақстан Республикасы Парламенті Сенатына депутаттарды сайлау бойынша сайлаушылардың жиынын ұйымдастыруды қарастырады. Жыл сайын аудандық мәслихат сессиясында өз жұмысы және аппарат қызметі туралы есеп береді.

            Қабылдау уақыты:

Телефон,  факс: 87223733641
Мекен-жайы: Абай бульвары, 14. каб.1
Электрондық мекен-жай: maslihat14@mail.ru
Аудандық мәслихаттың 2007 жылғы 29-шы тамызында өткен І-ші ұйымдастыру сессиясында мәслихаттың 4 тұрақты және тексеру комиссиялары құрылды. Олар:

І.  Бюджет, экономикалық реформалар және аймақтық даму мәселелері бойынша

1.Нашанов Қ.Р. - № 1 сайлау округінен сайланған  (комиссия төрағасы)
2.Жұмаханов Ж. А. - № 4 сайлау округінен сайланған
3.Қантаев Н.К. - №3 сайлау округінен сайланған

ІІ. Депутаттық өкілеттіктер, этика және заңдылық мәселелері бойынша

1. Мырзаханов М.Т.- № 6 сайлау округінен сайланған (комиссия төрағасы)
2. Шакенов М. А. - № 9 сайлау округінен сайланған
3. Мұсапырбеков А. Ж. - № 8 сайлау округінен сайланған

ІІІ. Әлеуметтік – мәдени даму мәселелері бойынша

1. Дюсенбаев Н.Т.- № 12 сайлау округінен сайланған (комиссия төрағасы)
2. Тұрысбеков А. - № 14 сайлау округінен сайланған
3. Салқымбаев К.С.- № 2 сайлау округінен сайланған

ІV. Агроөнеркәсіптік кешені, экология, қоршаған ортаны қорғау және табиғи ресурстарды тиімді пайдалану мәселері бойынша

1. Шакиров А.К.- №7 сайлау округінен сайланған (комиссия төрағасы)
2. Аметов Н.Х. - № 5 сайлау округінен сайланған
3. Ешмұратов Қ.Н.- № 13 сайлау округінен сайланған

Осы сессияда аудан бюджетін бақылау мақсатында Аягөз аудандық мәслихаттың тексеру комиссиясы да құрылды, төрағасы болып босатылған негізде №15-ші сайлау округінің  депутаты Н.Т.Жоламанов сайланды.

Аягөз аудандық мәслихатының депутаттарының халықты қабылдау кестесі

Ескерту: қабылдаулар мереке күндеріне сәйкес келген жағдайда мерекеден кейінгі жұмыс күні өткізіледі.

Аягөз аудандық мәслихат аппаратының  штат құрылымы

Аудандық мәслихат аппаратында 2 депутат, 5 мемлекеттік қызметкер, 2 тексеру комиссиясының ревизорлары және 4 техникалық қызметкерлер бірлігі бар. Мәслихат пен оның органдарын ұйымдастырушылық, құқықтық, материалдық - техникалық және өзгеде қамтамасыз етуді мәслихат аппараты жүзеге асырады, депутаттарға өздерінің өкілеттігін жүзеге асыруға көмек көрсетеді. Әкімшілік мемлекеттік қызметкер өзінің жұмысын Қазақстан Республикасының заңдарына және аудандық мәслихаттың Регламентіне сәйкес жүзеге асырады. Әр мемлекеттік қызметкер бір тұрақты комиссияға  бекітіліп олардың жұмыс жоспарын жасап, отырыстарында қаралатын сұрақтарды дайындауға көмек жасайды. Аудандық мәслихаттың сессиясын ұйымдастырып, дайындап  өткізіп, оның нормативтік - құқықтық шешімдерді қажеттілігіне қарай әділет басқармасында тіркеуді, бұқаралық ақпарат құралдарында жариялауды жүзеге асырады.
Мәслихат аппараты жергілікті бюджет есебінен ұсталатын мемлекеттік мекеме болып табылады.

Аягөз аудандық мәслихат аппаратының қызметкерлерінің тізімі

 
Мемлекеттік мекеме - Аягөз аудандық мәслихат аппараты заңды тұлға болып саналады.

РНН   182000210067   БИК ККMFKZ2A      ИИК KZ64070103KSN1820000

Статистикалық карточка  код 39692103  №13962-1917-ГУ

Шығыс Қазақстан облыстық қазынашылық департаментінің Аягөз аудандық қазынашылық бөлімі мемлекеттік мекемесі қызмет етеді.

Телефон,  факс: 87223733641,   30298, 30383

Мекен-жайы: Абай бульвары, 14.

Электрондық мекен-жай: maslihat14@mail.ru