Мәдениет

Аудандық «Қозы Көрпеш- Баян сұлу» мәдениет үйінде 2018 жылғы 9 айдың қорытындысы бойынша өткізілген мәдени іс- шаралар туралы ақпарат

2018 жылдың 3 тоқсан  мерзімінде аудандық мәдениет үйінің  және қарасты 22 ауылдық мәдениет үйлері мен ауылдық клубтарының ұйымдастыруымен  150  мәдени іс- шара өткізілді.  Олар: атаулы даталар күндеріне тематикалық кештер, фестивальдер, сайыстар, концерттер және т.б. Аудан бойынша аталмыш іс-шараларға қатысқандардың саны – 20 мыңға жуық адам.
Барлық ауылдық мәдени ошақтары аудандық мәдениет үйіне фото есептерін тапсырып отырады.

2018- жылдың 1- шілде күні Аягөз қаласының  «Қозы Көрпеш –Баян сұлу»  саябағында «Ұлттық домбыра күні» өтті. Мереке домбырашылар ансамблінің орындауында Құрманғазының «Сарыарқа» күйімен басталды. Аудандық мәдениет үйінің әртістерінің  мерекеге арнайы дайындаған концертіне ұласты. Концерттен кейін жастар орталығының бастамасымен домбырашылар сайысы өтті.

2018-жылдың 5-шілде күні Аягөз қаласының орталық алаңында Астананың 20 жылдық мерей тойына арналған «Астанам –елімнің жүрегі » атты мереке өтті. Мереке алаңға ҚР туымен үш мотоциклистің  шығуымен басталды.  ҚР мәдениет қайраткері А.Шегенбаеваның орындауында  «Астана» әннің  аясында   сахнада бишілер тобы,   алаңның ортасындағы орнатылған  подиумда  вальс биледі,  әннің аяғында  30  «жүрек»- шарлар  ұстаған жастар алаңға шығып аспанға ұшырды, сол кезде подиумның жан-жағынан «холодный фейеверк» атылды. Аудан әкімі Байахметов  Бақытжан  Кәкенқажыұлы қала тұрғындары мен қонақтарды Астана күні мерекесімен құттықтап, ауданнның әр саласы бойынша еңбек еткен қызметкерлерді Астананың 20 жылдық төсбелгісімен марапаттады.

2018 жылдың 7 шілде күні Мыңбұлақ  ауылдық  мәдениет  үйінде   «Ауылым – алтын  бесігім» атты  концерт өтті.

2018 жылы 9 тамызда Байқошқар ауылдық клубында «Абай – мәңгілік мұра» атты сазды кеш өтті. Кеште ұлы ақын Абайдың алуан түрлі тақырыпты қамтыған өлеңдері оқылып, әндері шырқалды.

Ақтоғай ауылдық клубында теміржолшылар күніне  арналған «Жігіт сұлтаны -2018» сайысы өтті.

2018- жылдың 29- тамыз күні аудандық «Қозы Көрпеш –Баян сұлу» мәдениет үйінде Қазақстан Республикасының Конституциясы күніне арналған салтанатты жиын және мерекелік концерт өтті. Мереке әр ұлт өкілдерінің Қазақстан туралы  өз тілінде оқыған әдеби монтажбен басталды. Аудан әкімі Б.Байахметов қала тұрғындарын мерекемен құттықтап, қала мекемелерінің әр салада істейтін қызметкерлерін алғыс хатпен марапаттады. Салтанатты жиын аудандық мәдениет үйінің әртістерінің мерекелік концертіне   ұласты. Аудан бойынша 22 ауылдық мәдениет ошағында мерекелік іс-шаралар өткізілді.

2018 жылы 1 қыркүйек күні Емелтау  ауылдық  клубында   «Сыңғырла  алғашқы  қоңырау»  атты  Білім  күніне арналған  мәдени -іс  шара өтті.

2018-жылдың 14-қыркүйек күні Аягөз ауданының 90 жылдық мерей тойы аудандық «Қозы Көрпеш-Баян сұлу» мәдениет үйінде  өткен «Аңыздар мен абыздар мекені - Аягөз» атты ғылыми конференциямен басталды. Мереке жерлесіміз айтыскер ақын Серікзат Дүйсенғазиннің ұйымдастыруымен болған «Туған жер - тұғырым» атты ақындар айтысына ұласты. Кешке қаламыздың орталық алаңында Аягөз өңірінен шыққан  өнер жұлдыздары мен аудандық мәдениет үйінің әртістерінің гала концерті өтті. Концерттің алдында алаңға қолдарына ақ тулар ұстап шыққан мектеп оқушылары мен Өскемен қаласынан келген «Ертіс концерті» әртістері қойылым көрсетті.
Аудан әкімі Б.Байахметов мерекеге келген қонақтар мен қала тұрғындарын ауданының 90 жылдық мерей тойымен құттықтап, Аягөз жерінен шыққан өнер адамдары дирижер Жанас Бекентуров пен дәстүрлі әнші Ерлан Рысқалиға «Аягөз ауданынынң Құрметті азаматы» атағын беріп төсбелгісін тақты, сонымен бірге қонаққа келген бірқатар өнер жұлдыздары мен қаламызда әр салада еңбек еткен қызметкерлерді «Аягөз мақтаныштары» төсбелгісімен марапаттады.
Мереке гала концертпен жалғасын тауып, мерекелік от шашумен ұласты.

24 қыркүйек 2018 жылы Ақши ауылдық клубында «Үш тілдік заман талабы » атты әдеби – сазды кеш өтті.Кеш Қазақстан Республикасының әнұранымен басталды. Әдеби – сазды кеште оқушылар үш тілде қазақ, орыс, ағылшын тілдерінде өлең оқып, билерін биледі.

Аудандық «Қозы Көрпеш- Баян сұлу» мәдениет үйінде 2018 жылдың 6 айында өткізілген мәдени іс-шаралар туралы ақпарат

2018 жылдың 6 ай мерзімінде аудандық мәдениет үйінің ұйымдастыруымен және қарасты 22 ауылдық мәдениет үйлері мен ауылдық клубтарында 360 мәдени іс- шара өткізілді. Олар: атаулы даталар күндеріне   тематикалық кештер, фестивальдер, сайыстар, концерттержәне т.б.Аудан бойынша аталмыш іс-шараларға қатысқандардың саны – 35 мыңға жуық адам.
Барлық ауылдық мәдени ошақтары аудандық мәдениет үйіне фото есептерін тапсырып отырады.

2018-жылдың 1- наурыз «Алғыс айту» күніне  аудандық «Қозы Көрпеш –Баян сұлу» мәдениет үйінің әртістері аумақтық әлеуметтік көмек көрсету орталығында «Жүрек жылуы» атты  қарт адамдар  мен бүлдіршіндерге арнап қайырымдылық концерт берді. Бағдарламада аналарға, туған жерге арналған әндер шырқалды.
2018- жылдың 3- наурыз күні аудандық «Қозы Көрпеш –Баян сұлу» мәдениет үйінде «Наурыз аруы – 2018» байқауы өтті. Байқаудың  «Сәлем – сөздің атасы», «Бұрымды ,әрі білімді», «Кім жылдам», « Өнерлі – өрге жүзер» , «Бәрінен де сен сұлу» кезеңдері бойынша аруларымыз сайысқа түсті. Байқауға қала, ауыл мектептерінен қатысқан ару қыздарымыз өздерін білімділіктерімен қатар қазіргі заманауи талаптарға жан - жақты сай екендіктерін көрсете білді. Байқаудың қорытындысы бойынша: 1 орын  қазақ лицейінен қатысқан Арапбек Еркежанғаберілді, 2 орынды № 5 орта мектептен қатысқан Тауырбекова Сая, 3 орынды К.Бозтаев атындағы орта мектептенқатысқан  Абилкаримова Салима   иеленді.Сонымен қатар қалған қатысушы арулар номинациялар бойынша дипломмен, бағалы сыйлықтармен марапатталды.

2018-жылдың 5-наурыз күні аудандық  «Қозы Көрпеш – Баян сұлу» мәдениет үйінде ішкі саясат бөлімімен бірлесе отырып  зағиптар арасында  «Көктем аруы» байқауы  өтті. Байқау бес кезеңнен тұрады. Байқауға қатысушылар қойылған талаптарға сай өздерінің білімін, шеберлігін, таланттарын және әйелге тән әдеміліктерін көрсете білді. Әділқазылардың шығарған қорытындысы бойынша 1 орынды Исатова Мейрамгуль, 2 орынды Мырзақанова Ақбота, 3 орынды Балгынбаева Назгүл иеленді. Басқа қатысушылар номинациялар бойынша марапатталды.

2018 жылдың 7 наурыз күні аудандық «Қозы Көрпеш-Баян сұлу» мәдениет үйінде Халықаралық әйелдер күніне арналған мерекелік салтанатты жиын және концерт өтті.  Концерт  «Әйел ғұмыры» би қойылымымен  басталды. Мерекелік концертінің  барлық бағдарламасы аналарға, аруларға арналды. Мерекелік іс-шара «Баян сұлу» ән- аспапты ансамлінің  орындауында Ш.Қалдаяқовтың «Ана туралы жыр» әнімен аяқталды. Сондай-ак Халықаралық меркесіне арналған концерттер барлық ауылдық мәдениет үйлері мен клубтарда өткізілді.

2018 жылдың 8 наурыз күні аудандық «Қозы Көрпеш-Баян сұлу» мәдениет үйінде мәдениет үйінің әртісі, «Мәдениет майталманы» медальінің иегері, ұстаз Аяулы Сарбасованың «Жан жылуы» атты шығармашылық кеші өтті. Сахна шымылдығын А.Сарбасованың орындауында  «Өмірді ғана аңсадым»  әнімен  ашты. Концерттік бағдарламада А.Сарбасованың шәкірттері, балалар және ән салуды үйреніп жүрген үлкен кісілер де қатысып, әндерінде туған жерге деген, анаға деген махаббаттарын көрсетті.
22 -  наурыз Ұлыстың Ұлы күні Аягөз қаласында үш жерде қазақ үйлер тігіліп (Барақ батыр, А.Шәкенов атындағы көшелерде, орталық алаңда), сахналар  құрылып театрландырылған мерекелік концерттер, қазақ ұлттық спорт ойындары өткізілді. Мереке Жер - Ананың аластауымен, Қыдыр бабаның Наурызға берген батасымен, қаладағы мектеп ұжымдарының қазақ халқының салт-дәстүрлерін бейнелеуімен басталды. Сахнада шырқалған әншілердің әндері, алаңда бишілердің билері жалғасып жатты.  21-22 наурыз күндерінде барлық ауылдық округтарында ауылдық мәдениет үйлері мен клубтарында  халыққа дастархандар жайылып, мерекелік концерттер ауыл тұрғындарына ұсынылды. Наурыз мейрамы қала және ауыл тұрғындарының  көңілінен шықты.
1 сәүір күлкі күні қарсаңында 2018-жылдың 31-наурыз күні  Айғыз ауылдық клубында аудандық «Қозы Көрпеш-Баян сұлу» мәдениет үйінің театрландырылған концерті өтті. Концерттің репертуарлық сюжеті кемпір мен шалдың жастық шақтарын еске алу диалогтарымен таңдалған. Көңілді әндер, театрландырылған «қыз қуу», «күрес» көріністері көрермендердің көңіл күйлерін көтеріп езулеріне күлкі үйірілтті.

2018 жылдың 12-сәуірінде аудандық «Қозы Көрпеш-Баян сұлу» мәдениет үйінде «Жас қанат» конкурсы өтті. Мәдени іс- шара конкурсантың дайындығын, өлке-тану мұражайына саяхаттарын түсірген бейнебаяндарын көрсетумен басталды. Кәсіби музыканттардан құрылған әділқазылар алқасы әділ бағаларын беріп, конкурстың қорытындысын шығарды. Конкурстың қорытындысы бойынша:  III-орынды Наурызхан Сымбат (№3орта мектеп) , Қуатбек Альбина (Айғыз ауылы),Зарықканова Аяулым (Баршатас ауылы)  бөліссе,II-орынды Серікхан Айдана (№5 орта мектеп),Советова Нұрайым (Ақтоғай кенті), Мұратжанов Еркінғали (Мыңбұлақ ауылы), І орынды Мұхаметкалиев Асылан (Мамырсу ауылы) және Әбілқаирова Салима (К.Бозтаев атындағы мектеп) иеленді,  «Жас қанат-2018»-дың құрметті атағы менбас жүлде Байдүсенова Мәдинаға (№ 3 орта мектеп) берілді.

2018-жылдың 13-сәуір күні аудандық «Қозы Көрпеш – Баян сұлу» мәдениет үйінде облыстық, республикалық конкурстардың лауреаты, аудандық мәдениет үйінің жезтаңдай әншісі Раида Садыкованың   «Ән- өмірім» атты есеп беру концерті өтті. Концерт «Аякөз» халықтық ұлт аспаптар оркестрінің сүйемелдеуімен Раиданың орындауындағы М.Ибраевтің «Туған жер» , Ш.Қалдаяқовтың «Ақмаңдайлым» әндерімен басталды. Бағдарламада Қазақстан композиторларының әндері мен «Өнер» мектебінің ұстаздарымен акапелла, аудандық мәдениет үйінің әншілерімен қосылып дуэт, «Әйгерім» бишілер тобы мен аудандық мәдениет үйінің бишілерінің билері, «Баян сұлу» ән-аспапты ансамблінің сүйемелдеуімен әндер орындалды. Концерт соңында аудандық мәдениет, тілдерді дамыту, денешынықтыру және  спорт бөлімі бастығының м.у.а. Жандос Ілиясұлы Аманов құттықтап сөз сөйледі.

2018-жылдың 23-сәуір күні дәстүрлі аудандық «Сиқырлы би әлемі» атты бишілер конкурсы өтті. Конкурсқа қатысушылар ұлттық би мен заманауи би түрлерінен өз өнерлерін көрсетті. Бишілеріміздің өнерлеріне әділ бағаларын берген әділқазылар алқасының қорытындылары бойынша топтық ұлттық би түрлерінен: 1-орынды -№4 орта мектеп «Айгерім»  бишілер тобы, 2-орынды Д.Бабатайұлы атындағы орта мектебінің «Шұғыла»  бишілер тобы, 3-орынды қалалық көпсалалы қазақ мектеп-гимназиясы және № 9 бастауыш аралас мектебінің «Ақ моншақ» бишілер тобы  иеленді. Жеке ұлттық биден: 1- орынды № 9 бастауыш аралас мектебінің оқушысы Елюбаева Айша,2-орынды А.Көшкімбаева атындағы орта мектебінің оқушысы Рахимғазина Сабина, 3-орынды С.Ғаббасов атындағы орта мектебінен Бекишева Диляра женіп алды. Заманауи би түрлерінен: 1-орын  №7 орта мектептің бишілер тобына,  2-орын  № 6 орта мектептің бишілер тобына, 3-орын- №3 орта мектеп бишілеріне берілді. Жеке бишілерінен: 1-орынды № 9 бастауыш аралас мектебінің оқушылары Исатае Нурали мен Исатаева Камила, 2-орындыД.Бабатайұлы атындағы орта мектебінен Сабыртаева Айсара  иеленді.

2018 жылдың 1- мамыр күні аягөз қаласының орталық алаңында Қазақстан халықтарының бірлігі күні мерекесі өтті. Мереке қала мектептерінің бишілерінің орындауында «Бірлігіміз жарасқан» би койылымымен басталды. Мереке қала мекемелері мен мектептердің шеруімен жалғасты. Аудан әкімі Б.К. Байахметов қала тұрғындарын мерекемен құттықтады. Орталық алаңдағы сахнадан аудандық «Қозы Көрпеш- Баян сұлу» мәдениет үйінің  әншілері мен мектептердің өнерпаздары әр ұлттын әндерін шырқап, билерін билеп мерекелік концерт берді.

2018 жылдың 5 мамыр күні  аудандық «Қозы Көрпеш –Баян сұлу» мәдениет үйінде зағиптар арасында «Жігіт сұлтаны-2018» сайысы өтті.Сайысқа бес ер жүрек жігіттер қатысып, сайыстың бес түрінен сынаққа түсті. «Жігіт сұлтаны» сайысын  ұйымдастырушы,  зағиптар ұйымының төрайымы Елшибекова Құралай жігіттерге ақ жол тілеп құттықтады. Сайыстың әділқазы  алқасы  әділ бағаларын беріп өз шешімдерін шығарды .Сайыстың қорытындысы бойынша: 1- орынды Егеубеков Құсман, 2- орынды Нұрғазов Махмуд, 3- орынды Тұраров Мақсұтбек иеленді. «Тапқыр  жігіт» номинациясы Шыңқожа ауылынан келген Барлықбаев Сейсенбайға, «Ұшқыр жігіт» номинациясы Мамырсу ауылынан келген Бейсембаев Сапарғазыға берілді.

2018 жылдың 9 мамыр күні Аягөз қаласының орталық алаңында Ұлы Жеңіс күніне  арналған мереке өтті. Ұлы Жеңіс күні мерекесі «Мәңгілік полк» шеруімен басталып, ескерткішке гүл шоқтарын қою рәсімімен жалғасын тапты.Ұлы Отан соғысында қаза тапқан боздақтарға арналған бір минуттік үнсіздіктен кейін аудан әкімі Б.К.Байахметов қала тұрғындарын  Жеңіс күні мерекесімен құттықтады. Ұлы Отан соғысының ардагері,  Аягөз ауданының «Құрметті азаматы» Смағулов Қабден  Қасенұлы мерекемен құттықтап , бата берді.№10810 әскери бөлімінің командирі Ғабдуллин Бекболат Құрманұлы құттықтау сөзінен кейін мерекелік шеруді бастады. Шеру аяқталысымен сахнада мерекелік концерт басталды.

2018 –жылдың 11-мамыр күні  аудандық «Қозы Көрпеш –Баян сұлу» мәдениет үйінде музыкант, аранжировщик, жерлесіміз Жарқын Ербусановтың 60 жасқа толу мерей тойына арналған шығармашылық кеші өтті. Кеш  «Баян сұлу» ән-аспапты ансамблінің орындауында  «Алматы түні» әнімен басталды. Концертте 80-90 жылдардағы әндер шырқалды.  Кештің қонақтары  Қазақстанның әр қаласынан келген  класстастары сахнаға шығып Жарқынды құттықтады. Аудандық  мәдениет, тілдерді дамыту, денешынықтыру және спорт бөлімі басшысының міндетін атқарушы Ж.І.Аманов  Ж.Ербусановты шығармашылық кешімен құттықтап  алғыс хатпен бағалы сыйлық табыстады.

2018-жылдың 24-26 мамыр күндері аралығында Шығыс Қазақстан облысының Өскемен қаласында Астана қаласының 20 жылдығына арналған облыс әкімінің жүлдесі үшін өткен ХХІ- ұлттық спорт ойындарының спартакиадасы өтті.Спартакиадада «Қазақтың киіз үйлері» фестиваліне ауданымыз киіз үй тігіп, ішін ұлттық бұйымдар, жиһаздар мен  ыдыс –аяқтар, аудандық кітапхананың Астананың 20 жылдығына арналған кітап көрмесі қойлып безендірілді. Аудандық "Қозы Көрпеш -Баян сұлу» мәдениет үйінің әртістері "қыз ұзату» қойлымын қойып,арнайы қойылған үлкен сахнада мерекелік концерт сыйлады.

2018-жылдың 1-маусым күні Аягөз қаласының орталық алаңында Халықаралық балаларды қорғау күні өтті. Мереке қаладағы 10 мектеп оқушыларының шеруімен басталды. Мерекеге жиналған балаларды аудан әкімінің орынбасары  Б.Сүлейменов құттықтады.  Мереке аудандық дәстүрлі «Бәйшешек» балалар мен жасөспірім өнерпаздардың байқауымен жалғасты. Байқауға қала мен ауыл өнерпаздары қатысты. Әділқазы алқасының қорытындылары бойынша ән орындаушылар арасынан : 1 орынды Нұрмұхамед Елнұр Айғыз ауылдық орта мектебінен және 5 жасар Медина Жұмағазы  №9 бастауыш аралас мектебінен, 2 орынды  Қадылханова Еркежан аудандық «Өнер» мектебінен, 3 орынды  Аблахат Іңкәр Тарбағатай ауылдық орта мектебінен иеленді. Бишілер арасында: 1 орынды гимназияның бишілер тобы,2 орынды  Ақтоғай №8 орта мектебінің «Кәусәр» бишілер тобы, 3 орынды Ақшатау ауылдық орта мектебінің «Шұғыла»бишілер тобы иеленді. Басқа байқауға қатысқан өнерпаздар   «Үздік әнші», « Үздік бишілер тобы»,  «Үздік жас әнші», т.б. номинацияларымен  марапатталды.

2018- жылдың 1- шілде күні Аягөз қаласының  «Қозы Көрпеш –Баян сұлу»  саябағында «Ұлттық домбыра күні» өтті. Мереке домбырашылар ансамблінің орындауында Құрманғазының «Сарыарқа» күйімен басталды. Аудандық мәдениет үйінің әртістерінің  мерекеге арнайы дайындаған концертіне ұласты. Концерттен кейін жастар орталығының бастамасымен домбырашылар сайысы өтті. Концертті тамашалаған қала жұртшылығы алғаш рет өткізіліп отырған «Ұлттық домбыра күні» қазағымыздың қазынасы, ұлы домбрамыздың үні асқақтай берсін деген тілекпен тарқасты.

2018-жылдың 5-шілде күні Аягөз қаласының орталық алаңында Астананың 20 жылдық мерей тойына арналған«Астанам –елімнің жүрегі » атты мереке өтті. Мереке алаңға ҚР туымен үш мотоциклистің  шығуымен басталды.ҚР мәдениет қайраткері А.Шегенбаеваның орындауында  «Астана» әннің аясында   сахнада бишілер тобы,   алаңның ортасындағы орнатылған подиумда  вальс биледі, әннің аяғында  30 «жүрек»- шарлар  ұстаған жастар алаңға шығып аспанға ұшырды, сол кезде подиумның жан-жағынан «холодный фейеверк» атылды. Аудан әкімі Байахметов  Бақытжан  Кәкенқажыұлы қала тұрғындары мен қонақтарды Астана күні мерекесімен құттықтап, ауданнның әр саласы бойынша еңбек еткен қызметкерлерді Астананың 20 жылдық төсбелгісімен марапаттады. Мереке аудандық мәдениет үйінің әншілерінің мерекелік концертіне ұласып, мерекелік от шашуымен жалғасты.

Полная версия отчета (*.doc 4.7 MB)

Бет өзгертілді: 19-11-2018