Аудан әкімі

Байахметов Бақытжан Кәкенқажыұлы Әкiмiнiң блогы

Аягөз ауданының әкімі - Оразбаев Ділдәбек Тәжібайұлы

Оразбаев Ділдәбек Тәжібайұлы - 1961 жылы 8 мамырда дүниеге келген. Ұлты қазақ. Білімі жоғары. Қазақтың Еңбек Қызыл Ту орденді ауыл шаруашылығы институтын ғалым агроном және Алматы экономикалық университетін қаржы мамандықтары бойынша бітірген, экономика ғылымдарының кандидаты, «Құрмет» орденінің иегері.
Еңбек жолын колхозда механизатор болып бастады. Әртүрлі жылдарда колхозда бас агроном, колхоз бастығы, Оңтүстік Қазақстан облысы Төлеби ауданы бойынша салық комитетінде әр түрлі қызметтер атқарды. Бизнес саласында басшылық қызметте болды. Оңтүстік Қазақстан облысы табиғи ресурстар және табиғат пайдалануды реттеу басқарма бастығының орынбасары, департамент директорының орынбасары, басқарма бастығы жұмыстарында еңбек етті.
Қазақстан Республикасы Ауыл шаруашылығы министрлігі Су ресурстары комитетінің "Шығыссушар" республикалық мемлекеттік кәсіпорнының директоры қызметтерін атқарды. Қазақстан Республикасы Ауыл шаруашылығы министрлігі Су ресурстары комитетінің "Қазсушар" республикалық мемлекеттік кәсіпорны Шығыс Қазақстан филиалының директоры, Шығыс Қазақстан облысы мәслихатының депутаты болып қызмет етті. Аягөз ауданының әкімі қызметіне тағайындалғанға дейін Тарбағатай ауданының әкімі қызметін атқарды.

2019 жылдың 15 сәуірінен бастап Шығыс Қазақстан облысы Аягөз ауданының әкімі болып тағайындалды.


Лауазымдық міндеттері
Мемлекеттік органдармен, ұйымдармен және азаматтармен өзара қарым-қатынаста аудан мүддесін білдіреді.
Облыс әкіміне орталық атқарушы органдардың аумақтық бөлімшелерінің Қазақстан Республикасы Президенті мен Үкіметінің заңдарын, кесімдерін орындау бөлігіндегі қызметі жөнінде ұсыныс береді.
Облыс әкіміне тиісті тұлғаларды мемлекеттік наградалармен марапаттау, оларға құрметті және өзге де атақтарды беру туралы ұсыныстар енгізеді.
Аудандық мәслихатқа «Аягөз ауданының құрметті азаматы» атағын беру туралы ұсыныс енгізеді.
Мынадай лауазымды тұлғаларды қызметке тағайындайды және қызметтен босатады: аудан әкімінің орынбасарларын, аудан әкімі аппаратының басшысы мен оның құрылымдық бөлімшелерінің басшыларын, аудан бюджетінен қаржыландырылатын атқарушы органдардың басшыларын, Аягөз қаласы, ауданның кенттік, ауылдық округтердің әкімдерін. Аудан әкімінің орынбасарларына, аппарат басшысы мен оның құрылымдық бөлімшелерінің басшыларын, аудан бюджетінен қаржыландырылатын атқарушы органдардың басшыларына, сондай-ақ Аягөз қаласы, ауданның кенттік, ауылдық округтердің әкімдеріне Қазақстан Республикасының заңнамасына сәйкес тәртіптік жауапкершілік шараларын қолдану мәселелерін шешеді.
Ауданның қала, кент, ауылдық округтері әкімдерінің жұмысын үйлестіреді.
Ауданның қала, кент, ауылдық округтері әкімдері арқылы жергілікті өзін-өзі басқару органдарымен өзара әрекеттеседі.
Консультативтік-кеңесші органдардың ведомствоаралық сипаттағы мәселелері жөніндегі дербес құрамын аудандық мәслихатқа бекітуге ұсынады.
Ауданның прокуратурасы, аудандық сотпен, қалалық-аудандық ішкі істер бөлімі және әділет басқармасымен, ұлттық қауіпсіздік комитеті департаментінің бөлімімен, қаржы полициясының өңіраралық бөлімімен, статистика бөлімімен, қорғаныс істері жөніндегі бөліммен, әскери бөлімдерінің басшыларымен өзара іс-қимылды жүзеге асырады.
Қылмысқа және сыбайлас жемқорлыққа қарсы күрес жөніндегі үйлестіру Кеңесінің төрағасы болып табылады.
Қазақстан Республикасының заңнамасына сәйкес өзге өкілеттіктерді жүзеге асырады.

 

Азаматтарды қабылдау 201 кабинетте.
Аудан әкімінің қабылдау бөлмесінің телефон нөмірі – 8 (72237) 333 - 13
Азаматтардың қатынасу бөлімінің телефон нөмірі – 8 (72237) 700 - 24
E-mail:info_rayagoz@akimvko.gov.kz

Адрес: Қазақстан Республикасы, ШҚО, индекс 070200 Аягөз қаласы, Абай бульвары 14.

 

 

Бет өзгертілді: 23-05-2019